Advertisement
ಹಾವೇರಿ ಜಿಲ್ಲೆ ಸವಣೂರು ತಾಲೂಕಿನಲ್ಲಿ 365, ಶಿಗ್ಗಾಂವಿ ತಾಲೂಕಿನಲ್ಲಿ 226, ಹಾನಗಲ್ಲ 350, ಹಾವೇರಿ 276, ರಾಣಿಬೆನ್ನೂರು 148, ಹಿರೇಕೆರೂರು 172, ಬ್ಯಾಡಗಿ 112 ಸೇರಿದಂತೆ ಒಟ್ಟು 1649 ಆಸ್ತಿಗಳ ಖಾತೆ ಬದಲಾವಣೆ ಮಾಡುವಂತೆ ವಕ್ಫ್ ಅಧಿಕಾರಿಗಳು ಕೋರಿದ್ದಾರೆ. ಕಂದಾಯ ದಾಖಲೆಗಳಲ್ಲಿ ನಿಯಮಾನುಸಾರ ಅಗತ್ಯ ಕ್ರಮ ಕೈಗೊಂಡು ವರದಿ ಸಲ್ಲಿಸುವಂತೆ ಜಿಲ್ಲಾಧಿಕಾರಿಗಳು ಅ. 24ರಂದು ಉಪವಿಭಾಗಾಧಿಕಾರಿಗಳು ಹಾಗೂ ಜಿಲ್ಲೆಯ ಎಲ್ಲ ತಹಶೀಲ್ದಾರ್‌ಗೆ ಸೂಚಿಸಿದ್ದಾರೆ.
ಬಾಗಲಕೋಟೆ ಜಿಲ್ಲೆ ತೇರದಾಳ ಭಾಗದ ರೈತರಿಗೂ ವಕ್ಫ್ ಬೋರ್ಡ್‌ನಿಂದ ನೋಟಿಸ್‌ ಬಂದಿವೆ. ರಬಕವಿ-ಬನಹಟ್ಟಿ ತಾಲೂಕಿನ ತೇರದಾಳ ಹೋಬಳಿ ವ್ಯಾಪ್ತಿಯ ವಿವಿಧ ಹಳ್ಳಿಯ 420 ಎಕರೆ ಭೂಮಿಗೆ ಸಂಬಂಧಿಸಿದಂತೆ 111 ರೈತರಿಗೆ ಕಳೆದ 2017, 2018, 2024ರಲ್ಲಿ ಬೆಂಗಳೂರಿನ ವಕ್ಫ್ ಬೋರ್ಡ್‌ನಿಂದ ನೋಟಿಸ್‌ ಬಂದಿದೆ. ಕೊಪ್ಪಳದಲ್ಲೂ ನಾಲ್ವರ ಆಸ್ತಿ ಮೇಲೂ ವಕ್ಫ್ ಆಸ್ತಿ ನಮೂದಾಗಿದೆ.