ರಾಣಿ ಎಲಿಜಬೆತ್‌ ಟ್ವಿಟರ್‌ ಖಾತೆ ನಿರ್ವಹಿಸಿದರೆ 25 ಲಕ್ಷ ಸಂಬಳ

ಲಂಡನ್‌: ಇಂಗ್ಲೆಂಡ್‌ನ‌ ರಾಣಿ ಎಲಿಜಬೆತ್‌ರ ಟ್ವೀಟರ್‌ ಖಾತೆ ಮತ್ತು ಇತರ ಸಾಮಾಜಿಕ ಜಾಲತಾಣ ಖಾತೆಗಳನ್ನು ನಿರ್ವಹಿಸುವವರು ಬೇಕಾಗಿದ್ದಾರೆ. 

ಇದಕ್ಕಾಗಿ ಬಕಿಂಗ್‌ಹ್ಯಾಮ್‌ ಅರಮನೆ ವಾರ್ಷಿಕವಾಗಿ 25 ಲಕ್ಷ ರೂ. (30 ಸಾವಿರ ಪೌಂಡ್‌) ಸಂಭಾವನೆ ನೀಡಲಿದೆ. ಈ ಕುರಿತು ಸ್ವತಃ ರಾಣಿ ಅವರ ಅಧಿಕೃತ ವೆಬ್‌ಸೈಟ್‌ನಲ್ಲಿ ಜಾಹಿರಾತು ಪ್ರಕಟಿಸಲಾಗಿದೆ. 

ಏನೇನು ಕೆಲಸ?: ಫೇಸ್‌ಬುಕ್‌, ಟ್ವಿಟರ್‌ನಲ್ಲಿ ರಾಣಿ ಅವರ ಬರಹಗಳನ್ನು ಪೋಸ್ಟ್‌ ಮಾಡುವುದು. ದೇಶ, ವಿದೇಶಗಳಿಗೆ ಭೇಟಿ ನೀಡುವ ಮತ್ತು ಅರಮನೆಯಲ್ಲಿ ನಡೆಯುವ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮಗಳು, ಅರಮನೆಯ ಶುಭ ಸಮಾರಂಭಗಳ ಕುರಿತ ವಿಡಿಯೋಗಳನ್ನು ಯೂಟ್ಯೂಬ್‌ಗ ಅಪ್‌ಲೋಡ್‌ ಮಾಡುವುದು. ಈ ಕಾರ್ಯಕ್ರಮಗಳ ಬಗ್ಗೆ ಇಂಗ್ಲೆಂಡ್‌ನ‌ “ದಿ ಸನ್‌’  ಪತ್ರಿಕೆಗೆ ವರದಿ ಕಳುಹಿಸುವುದು.

ಸೌಲಭ್ಯಗಳೇನು?: ರಾಜ ಮನೆತನದ ಕೆಲಸಕ್ಕೆ ಸೇರಲು ಇಚ್ಛಿಸುವವರಿಗೆ ರಾಣಿ ಅವರು ಪಿಂಚಣಿ ವ್ಯವಸ್ಥೆ ಸಹಿತ “ಸಮಗ್ರ ಸೌಲಭ್ಯಗಳ ಪ್ಯಾಕೇಜ್‌’ ನೀಡಲಿದ್ದಾರೆ. ಜೊತೆಗೆ ವ್ಯಕ್ತಿತ್ವ ಅಭಿವೃದ್ಧಿ (ಪರ್ಸನಲ್‌ ಡೆವಲಪ್‌ಮೆಂಟ್‌) ಮತ್ತು ಕೆಲಸಕ್ಕೆ ಪೂರಕವಾದ ತರಬೇತಿಯನ್ನೂ ನೀಡಲಿದ್ದಾರೆ.