ಬಾಲಿವುಡ್ ಖ್ಯಾತ ಸಂಗೀತ ನಿರ್ದೇಶಕ ವಾಜಿದ್ ಇನ್ನಿಲ್ಲ

ಮುಂಬೈ: ಬಾಲಿವುಡ್ ಖ್ಯಾತ ಸಂಗೀತ ನಿರ್ದೇಶಕ ವಾಜಿದ್ ಖಾನ್ (42ವರ್ಷ) ಕಿಡ್ನಿ ಸಮಸ್ಯೆಯಿಂದ ಸೋಮವಾರ ಮುಂಜಾನೆ ವಿಧಿವಶರಾಗಿರುವುದಾಗಿ ವರದಿ ತಿಳಿಸಿದೆ. ಬಾಲಿವುಡ್ ನಲ್ಲಿ ಸಹೋದರ ಸಾಜಿದ್ ಜತೆ ಸೇರಿ ಸಂಗೀತ ನಿರ್ದೆಶಿಸುತ್ತಿದ್ದ ಇವರು ಸಾಜಿದ್-ವಾಜಿದ್ ಎಂದೇ ಜನಪ್ರಿಯಗೊಂಡಿದ್ದರು.

ಸಲ್ಮಾನ್ ಖಾನ್ ನಟನೆಯ ವಾಂಟೆಡ್, ದಬಾಂಗ್, ಏಕ್ ಥಾ ಟೈಗರ್ ಸಿನಿಮಾಗಳಲ್ಲಿ ಸಾಜಿದ್, ವಾಜಿದ್ ಸಂಗೀತ ನಿರ್ದೇಶಿಸಿದ್ದರು.

ಚೆಂಬೂರ್ ನಲ್ಲಿರುವ ಸುರಾನಾ ಆಸ್ಪತ್ರೆಯಲ್ಲಿ ವಾಜಿದ್ ಸಾವನ್ನಪ್ಪಿರುವುದಾಗಿ ಮ್ಯೂಸಿಕ್ ಕಂಪೋಸರ್ ಸಲೀಂ ಮರ್ಚಂಟ್ ಖಚಿತಪಡಿಸಿದ್ದಾರೆ. ಹಲವಾರು ಸಮಸ್ಯೆಯಿಂದ ಬಳಲುತ್ತಿದ್ದ ವಾಜಿದ್ ಕಳೆದ ನಾಲ್ಕು ದಿನಗಳಿಂದ ವೆಂಟಿಲೇಟರ್ ನಲ್ಲಿ ಇದ್ದಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ಇಂದು ನಿಧನರಾಗಿರುವುದಾಗಿ ಪಿಟಿಐ ವರದಿ ಮಾಡಿದೆ.