ವಿವಿಪ್ಯಾಟ್‌ ಫೋಟೋ ಕ್ಲಿಕ್ಕಿಸಲ್ಲ

ಹೊಸದಿಲ್ಲಿ: ನೀನು ಹಣ ತಗೊಂಡಿದ್ದೀಯಾ. ನಮಗೇ ಮತ ಹಾಕು. ಬೇರೆಯವರಿಗೆ ಮತ ಹಾಕಿದರೆ ನನಗೆ ಗೊತ್ತಾಗುತ್ತದೆ. ನಿಮ್ಮ ಫೋಟೋವನ್ನು ವಿವಿಪ್ಯಾಟ್‌ ತೆಗೆಯುತ್ತದೆ…. ಹೀಗೆಂದು ಹೆದರಿಸುವವರಿಗೆ ಕಿವಿಗೊಡಬೇಡಿ. ಇದು ಸುಳ್ಳು. ವಿವಿಪ್ಯಾಟ್‌ ಎಂದಿಗೂ ಫೋಟೋ ಕ್ಲಿಕ್ಕಿಸುವುದಿಲ್ಲ ಎಂದು ಚುನಾವಣಾ ಆಯೋಗ ಸ್ಪಷ್ಟನೆ ನೀಡಿದೆ. ಈ ಬಗ್ಗೆ ಜನಜಾಗೃತಿ ಮೂಡಿಸಲು ಕ್ಯಾಂಪೇನ್‌ ನಡೆಸುತ್ತೇವೆ ಎಂದು ಮುಖ್ಯ ಚುನಾವಣಾ ಆಯುಕ್ತ ರಾವತ್‌ ಹೇಳಿದ್ದಾರೆ.

ಮತಕ್ಕಾಗಿ ಹಣ ಹಂಚುವವರು ಈ ಸುಳ್ಳು ಸುದ್ದಿ ಹಬ್ಬಿಸಿದ್ದಾರೆ. ವಿವಿಪ್ಯಾಟ್‌ಗಳು ಕೇವಲ ಮತ ಯಾರಿಗೆ ದಾಖಲಾಗಿದೆ ಎಂಬ ವಿವರವನ್ನು ಮಾತ್ರ ಒಳಗೊಂಡಿರುತ್ತದೆ. ಬೂತ್‌ನಲ್ಲಿ ಮತದಾರರ ಗೌಪ್ಯತೆಯನ್ನು ವಿವಿಪ್ಯಾಟ್‌ ಉಲ್ಲಂ ಸುವುದಿಲ್ಲ ಎಂದು ಅವರು ಹೇಳಿದ್ದಾರೆ.

ಡೇಟಾ ಕಳವಾಗದು:  ಆಧಾರ್‌ ಸಹಾಯವಾಣಿ ಸಂಖ್ಯೆಯ ವಿಚಾರದಲ್ಲಿ ಗೂಗಲ್‌ನ ಕಣ್ತಪ್ಪಿನಿಂದಾದ ಅನಾಹುತವನ್ನೇ ಬಳಸಿಕೊಂಡು ಕೆಲವರು ಗೊಂದಲ ಸೃಷ್ಟಿಸುತ್ತಿದ್ದಾರೆ ಹಾಗೂ ಆಧಾರ್‌ ಪ್ರಾಧಿಕಾರದ ಗೌರವವನ್ನು ಹಾಳು ಮಾಡುತ್ತಿದ್ದಾರೆ. ಅಲ್ಲದೆ ಸಹಾಯವಾಣಿ ಸಂಖ್ಯೆಯಿಂದ ಡೇಟಾ ಕಳ್ಳತನ ಮಾಡಲಾಗದು ಎಂದು ಆಧಾರ್‌ ಪ್ರಾಧಿಕಾರ ಪ್ರತಿಕ್ರಿಯಿಸಿದೆ.