Kannada Movie: ಥ್ರಿಲ್ಲರ್‌ ವೃತ್ತ ತೆರೆಗೆ ಸಿದ್ಧ

ʼವೃತ್ತʼ ಹೀಗೊಂದು ಸಿನಿಮಾ ಸದ್ದಿಲ್ಲದೇ ತೆರೆಗೆ ಬರಲು ಸಿದ್ಧವಾಗಿದೆ.  ಇತ್ತೀಚೆಗೆ ಈ ಚಿತ್ರದ ಮೋಶನ್‌ ಪೋಸ್ಟರ್‌ ಬಿಡುಗಡೆಯಾಗಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಲಿಖಿತ್‌ ಕುಮಾರ್‌ ಎಸ್‌ ಈ ಚಿತ್ರದ ನಿರ್ದೇಶಕರು. ಅಂದಹಾಗೆ, ಇದೊಂದು ಥ್ರಿಲ್ಲರ್‌ ಸಿನಿಮಾ. ಇವತ್ತಿನ ಜನರೇಶನ್‌ಗೆ ಕನೆಕ್ಟ್ ಆಗುವಂತಹ ಕಥೆ ಈ ಸಿನಿಮಾದಲ್ಲಿದೆ ಎನ್ನುವುದು ನಿರ್ದೇಶಕರ ಮಾತು.

ಹೊಸ ಬಗೆಯ ಸಿನಿಮಾ ಬಯಸುವ ಪ್ರೇಕ್ಷಕರಿಗೆ “ವೃತ್ತ’ ಒಂದು ಒಳ್ಳೆಯ ಆಯ್ಕೆಯಾಗಲಿದೆ. ಈಗಾಗಲೇ ಬಿಡುಗಡೆಯಾಗಿರುವ ಮೋಶನ್‌ ಪೋಸ್ಟರ್‌ಗೆ ಮೆಚ್ಚುಗೆ ದೊರಕುತ್ತಿದೆ’ ಎಂದು ಖುಷಿಯಿಂದ ಹೇಳುತ್ತಾರೆ ನಿರ್ದೇಶಕರು.

ಮಾರ್ಹಿ ಮೊಯಿದ್ದೀನ್‌, ಹರಿಣಿ ಸುಂದರ ರಾಜನ್‌ ಪ್ರಮುಖ ಭೂಮಿಕೆಯಲ್ಲದ್ದಾರೆ. ಚಿತ್ರದಲ್ಲಿ “ಸಪ್ತಸಾಗರದಾಚೆ ಎಲ್ಲೋ’ ಚಿತ್ರದಲ್ಲಿ ಗಮನ ಸೆಳೆದಿರುವ ಚೈತ್ರಾ ಆಚಾರ್‌ ಕೂಡಾ ನಟಿಸಿದ್ದಾರೆ.

“ಲಕ್ಷಯ್‌ ಆರ್ಟ್ಸ್’ ಬ್ಯಾನರ್‌ ಅಡಿಯಲ್ಲಿ ಟಿ.ಶಿವಕುಮಾರ್‌ “ವೃತ್ತ’ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಸುರೇಶ್‌ ಆರ್ಮುಗಂ ಸಂಕಲನ, ಗೌತಮ್‌ ಕೃಷ್ಣ ಛಾಯಾಗ್ರಹಣ, ಶಂಕರ ರಾಮನ್‌ ಎಸ್‌ ಸಂಭಾಷಣೆ ಚಿತ್ರಕ್ಕಿದೆ. ಆಂಟೋನಿ ಎಂ ಜಿ ಮತ್ತು ಹರಿ ಕೃಷಂತ್‌ ಸಂಗೀತ ಸಂಯೋಜಿಸಿದ್ದಾರೆ.