ಕಪ್ಪಿಟ್ಟಿದೆ ಪುಟಿನ್‌ ಹಸ್ತ: ಅಮೆರಿಕ

ವಾಷಿಂಗ್ಟನ್‌: ರಷ್ಯಾ ಅಧ್ಯಕ್ಷ ವಾದ್ಲಿಮಿರ್‌ ಪುಟಿನ್‌(70) ಅವರು ತೀವ್ರತರವಾದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾರೆ ಎಂದು ಅಮೆರಿಕದ ಗುಪ್ತಚರ ಇಲಾಖೆಯ ವರದಿಗಳು ತಿಳಿಸಿವೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಅಮೆರಿಕ ರಕ್ಷಣಾ ಪಡೆಗಳ ಮಾಜಿ ಮುಖ್ಯಸ್ಥ ಲಾರ್ಡ್‌ ಡನ್ನತ್‌, “ಪುಟಿನ್‌ ಅವರ ಕೈನ ಮೇಲ್ಭಾಗದಲ್ಲಿ ಸ್ವಲ್ಪ ಕಪ್ಪಾಗಿರುವುದನ್ನು ವೀಕ್ಷಕರು ಗಮನಿಸಿದ್ದಾರೆ. ಇದು ದೇಹದ ಇತರೆ ಭಾಗಗಳಿಗೆ ಚುಚ್ಚು ಮದ್ದು ನೀಡಲು ಆಗದೇ ಕೈಗಳಿಗೆ ಚುಚ್ಚು ಮದ್ದು ನೀಡುವುದರಿಂದ ಆಗುವ ಕಲೆಯಾಗಿದೆ. ಅವರು ತಮ್ಮನ್ನು ತಾವು ಬಿಂಬಿಸುಕೊಳ್ಳುವಂತೆ ಅವರ ಆರೋಗ್ಯ ಸ್ಥಿರವಾಗಿಲ್ಲ,’ ಎಂದು ತಿಳಿಸಿದ್ದಾರೆ.

ಪುಟಿನ್‌ಗೆ  ರಕ್ತ ಕ್ಯಾನ್ಸರ್‌ ಆಗಿದ್ದು, ಆರೋಗ್ಯ ಹದಗೆಟ್ಟಿದೆ ಎಂದು ಈ ವರ್ಷದ ಆರಂಭದಲ್ಲಿ ರಷ್ಯಾ ಸುದ್ದಿವಾಹಿನಿಗಳು ವರದಿ ಮಾಡಿತ್ತು.