ಅನುಷ್ಕಾ ಜೊತೆ ಕೊಹ್ಲಿ  ವಾಲೆಂಟೈನ್‌ ಡೇ: ರೋಮ್ಯಾಂಟಿಕ್‌ ಟ್ವೀಟ್‌ 

ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರು ಪ್ರೇಮಿಗಳ ದಿನಾಚರಣೆಯನ್ನು ಪ್ರೇಯಸಿ ಅನುಷ್ಕಾ ಶರ್ಮಾರೊಂದಿಗೆ ಸಂಭ್ರಮಿಸಿದ್ದು, ವಿಭಿನ್ನ ಸೆಲ್ಫಿಯೊಂದನ್ನು ಕ್ಲಿಕ್ಕಿಸಿ ಅಭಿಮಾನಿಗಳಿಗೊಸ್ಕರ ಟ್ವೀಟ್‌ ಮಾಡಿದ್ದಾರೆ. 

ನೀವು ಬಯಸಿದರೆ ಪ್ರತಿ ದಿನವೂ ವಾಲೆಂಟೈನ್‌ ಡೇ ಆಗಿರುತ್ತದೆ.ಅಂತಹದ್ದನ್ನು ನನಗೋಸ್ಕರ ನೀವು ದಿನಂಪ್ರತಿ ಮಾಡಬಲ್ಲಿರಿ ಎಂದು ಟ್ವೀಟ್‌ನಲ್ಲಿ ಬರೆದಿದ್ದಾರೆ. 

2016 ರ ವರ್ಷಾರಂಭದಲ್ಲಿ ಇಬ್ಬರ ಸಂಬಂಧ ಹಳಸಿ ಹೋಗಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾದ ಬೆನ್ನಲ್ಲೇ ಯಾವುದೇ ಪ್ರತಿಕ್ರಿಯೆ ನೀಡದೆ  ಜೋಡಿ ಹಕ್ಕಿಗಳು ಮತ್ತೆ ಜೊತೆಯಾಗಿ ಕಾಣಿಸಿಕೊಂಡಿದ್ದರು.