ಮತ್ತೊಂದು ವಿರಾಟ್‌ ಸಾಧನೆ:ಏಕದಿನ,ಟೆಸ್ಟ್‌ ಎರಡರಲ್ಲೂ ಕೊಹ್ಲಿ ಅಗ್ರ

ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಮತ್‌ತೊಂದು ದಾಖಲೆ ನಿರ್ಮಿಸಿದ್ದು ಟೆಸ್ಟ್‌ ಕ್ರಿಕೆಟ್‌ನಲ್ಲೂ ನಂಬರ್‌ 1 ಸ್ಥಾನಕ್ಕೇರಿದ ಬ್ಯಾಟ್ಸ್‌ಮೆನ್‌ ಎನಿಸಿಕೊಂಡಿದ್ದಾರೆ. 

ಇಂಗ್ಲೆಂಡ್‌ ವಿರುದ್ಧ ಮೊದಲ ಟೆಸ್ಟ್‌ನಲ್ಲಿ  ಮೊದಲ ಇನ್ನಿಂಗ್ಸ್‌ನಲ್ಲಿ 149 ಮತ್ತು  2ನೇ ಇನ್ನಿಂಗ್ಸ್‌ನಲ್ಲಿ 51 ರನ್‌ಗಳಿಸಿದ್ದು ಈ ಸಾಧನೆ ಮಾಡಲು ಸಾಧ್ಯವಾಯಿತು. 

ಕಳೆದ 32 ತಿಂಗಳಿನಿಂದ ನಂಬರ್‌ 1 ಬ್ಯಾಟ್ಸ್‌ಮೆನ್‌ ಎನಿಸಿಕೊಂಡಿದ್ದ ಆಸೀಸ್‌ನ ಸ್ಟೀವನ್‌ ಸ್ಮಿತ್‌ ಅವರನ್ನು ಕೊಹ್ಲಿ ಹಿಂದಿಕ್ಕಿದರು. 

67 ಟೆಸ್ಟ್‌ ಆಡಿರುವ ಕೊಹ್ಲಿ ಈ ಸಾಧನೆ ಮಾಡಿದ್ದಾರೆ. ಸ್ಮಿತ್‌ ಅವರಿಗಿಂತ 5 ಅಂಕ ಕೊಹ್ಲಿ ಮುಂದಿದ್ದಾರೆ.  ಏಕದಿನ ಕ್ರಿಕೆಟ್‌ನಲ್ಲೂ  ಕೊಹ್ಲಿ ನಂಬರ್‌ 1 ಬ್ಯಾಟ್ಸ್‌ಮನ್‌ ಆಗಿದ್ದಾರೆ. 

ಸಚಿನ್‌ ತೆಂಡುಲ್ಕರ್‌ , ವೀರೇಂದ್ರ ಸೆಹವಾಗ್‌, ಗೌತಮ್‌ ಗಂಭೀರ್‌, ಸುನೀಲ್‌ ಗವಾಸ್ಕರ್‌, ದಿಲೀಪ್‌ ವೆಂಗ್‌ಸರ್ಕಾರ್‌ ಅವರು ತಮ್ಮ ಕ್ರಿಕೆಟ್‌ ಜೀವನದಲ್ಲಿ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ನಂಬರ್‌ 1 ಸ್ಥಾನಕ್ಕೇರಿದ್ದರು.