ಮುಂಬಯಿ: ಸೆಲೆಬ್ರಿಟಿಗಳು ಏನೇ ಮಾಡಿದರೂ ಅವರು ಸುದ್ದಿಯಾಗುತ್ತಾರೆ. ಅವರ ಮಾತು, ನಡವಳಿಕೆ ಎಲ್ಲವೂ ಇಂಟರ್ ನೆಟ್‌ನಲ್ಲಿ ವೇಗವಾಗಿ ಹರಿದಾಡುತ್ತದೆ. ಖ್ಯಾತ ಗಾಯಕಿಯೊಬ್ಬರು ಮದುವೆಗೂ ಮುನ್ನವೇ ಗರ್ಭಿಣಿ ಆಗಿದ್ದಾರೆ ಎನ್ನುವ ಸುದ್ದಿ ಸೋಶಿಯಲ್‌ ಮೀಡಿಯಾದಲ್ಲಿ ಪೋಟೋ ಸಮೇತ ಹರಿದಾಡುತ್ತಿದೆ.
ಕಿರುತೆರೆ ಲೋಕದಲ್ಲಿ ಮಿಂಚಿ ಖ್ಯಾತಿಯನ್ನು ಗಳಸಿದವರಲ್ಲಿ ಒಬ್ಬರಾಗಿರುವ ಕೋಲ್ಕತ್ತಾ ಮೂಲದ ಗಾಯಕಿ ಅರುಣಿತಾ ಕಾಂಜಿಲಾಲ್ (Singer Arunita Kanjilal) ಮದುವೆಗೂ ಮುನ್ನ ಗರ್ಭಿಣಿ ಆಗಿದ್ದಾರೆ ಎನ್ನುವ ಸುದ್ದಿ ಇಂಟರ್ ನೆಟ್‌ನಲ್ಲಿ ಕಳೆದೆರೆಡು ದಿನಗಳಿಂದ ಹರಿದಾಡುತ್ತಿದೆ.
ಯಾರು ಈ ಅರುಣಿತಾ: ಸಣ್ಣ ವಯಸ್ಸಿನಲ್ಲೇ ಗಾಯನ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿದ್ದ ಅರುಣಿತಾ ಮುಂದೆ ಹೋಗುತ್ತಾ ಹತ್ತಾರು ವೇದಿಕೆಯಲ್ಲಿ ತನ್ನ ಗಾಯನದ ಮೂಲಕವೇ ಅಪಾರ ಮಂದಿಯನ್ನು ರಂಜಿಸಿ ಉತ್ತುಂಗಕ್ಕೇರಿದ್ದಾರೆ.
ಬೆಂಗಾಲಿ ‘ಸರಿಗಮಪ’ ಶೋನಲ್ಲಿ ಹಾಡಿ ವಿಜೇತರಾಗಿ, ಆ ಬಳಿಕ ಇಂಡಿಯನ್ ಐಡೆಲ್ 12ರಲ್ಲಿ (Indian Idol Season 12) ರನ್ನರ್‌ ಅಪ್‌ ಪ್ರಶಸ್ತಿ ಪಡೆದಿದ್ದಾರೆ. ರಿಯಾಲಿಟಿ ಶೋ ಮಾತ್ರವಲ್ಲದೆ ಸಿನಿಮಾ ರಂಗದಲ್ಲಿ ತನ್ನ ಸುಮಧುರ ಕಂಠದಿಂದ ಖ್ಯಾತಿ ಆಗಿದ್ದಾರೆ. ʼಸೀತಾ ರಾಮಂʼ ಚಿತ್ರದ ʼಇಷ್ಕ್ ಕರುʼ ಹಾಡನ್ನು ಹಾಡಿದ್ದಾರೆ.
ಮದುವೆಗೂ ಮುನ್ನ ಗರ್ಭಿಣಿ.! ಫೋಟೋ ವೈರಲ್..
ಯಶಸ್ಸಿನ ಹಾದಿಯಲ್ಲಿರುವಾಗಲೇ ಅವರು ಮದುವೆಗೂ ಮುನ್ನ ಗರ್ಭಿಣಿ ಆಗಿದ್ದಾರೆ ಎನ್ನುವ ವಿಚಾರ ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡಿದೆ. ಇಂಡಿಯನ್ ಐಡೆಲ್ 12 ವಿಜೇತಪಟ್ಟವನ್ನು ಗೆದ್ದ ಪವನ್‌ದೀಪ್ ರಾಜನ್ ಹಾಗೂ ಅರುಣಿತಾ ಆಪ್ತ ಸ್ನೇಹಿತರಾಗಿದ್ದಾರೆ. ಇಬ್ಬರು ಜತೆಯಾಗಿ ಹಲವು ಹಾಡುಗಳನ್ನು ಹಾಡಿದ್ದಾರೆ. ಇಬ್ಬರ ಆತ್ಮೀಯತೆ ನೋಡಿ ಅನೇಕರು ಇವರಿಬ್ಬರ ನಡುವೆ ಏನೋ ನಡೆಯುತ್ತಿದೆ ಎನ್ನುತ್ತಿದ್ದರು. ಆದರೆ ನಾವಿಬ್ಬರು ಜಸ್ಟ್‌ ಫ್ರೆಂಡ್ಸ್‌ ಎಂದು ಹೇಳಿ ವದಂತಿಯನ್ನು ತಳ್ಳಿ ಹಾಕಿದ್ದರು.
ಇದೀಗ ಪವನ್‌ ದೀಪ್‌ ರಾಜನ್ (Pawandeep Rajan) ಪತಿಯಂತೆ ಅರುಣಿತಾ ಜತೆ ನಿಂತಿರುವ ಫೋಟೋ ವೈರಲ್ ಆಗಿದೆ. ಗರ್ಭಿಣಿಯಾಗಿ ನಿಂತಿರುವ ಅರುಣಿತಾ, ಅವರ ಪಕ್ಕ ಪತಿಯಂತೆ ನಿಂತಿರುವ ಪವನ್‌ ಅವರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬಹುತೇಕರು ಇದನ್ನು ನಿಜವೆಂದು ನಂಬಿದ್ದು, ಅವರ ಫ್ಯಾನ್ಸ್‌ ಗಳು ಶಾಕ್‌ ಆಗಿದ್ದಾರೆ.
ಸ್ಪಷ್ಟನೆ ಕೊಟ್ಟ ಗಾಯಕಿತ ತಂಡ: ಫೋಟೋಗಳು ವೈರಲ್ ಆಗುತ್ತಿದ್ದಂತೆ ಗಾಯಕಿ ಅರುಣಿತಾ ಅವರ ಟೀಮ್ ಇದರ ಬಗ್ಗೆ ಸ್ಪಷ್ಟನೆ ನೀಡಿದೆ.
ಇದೊಂದು ಮಾರ್ಫ್‌ ಮಾಡಿದ ಫೋಟೋ ಇದು ನಮಗೂ ಬಂದಿದೆ. ಇಂತಹ ಫೋಟೊ ಮೂಲಕ ತಪ್ಪು ಸುದ್ದಿ ಹರಡುವವರಿಗೆ ನಾಚಿಕೆ ಆಗಬೇಕು. ಈ ಫೋಟೊಗಳು ನಿಜವಲ್ಲ, ಇದಕ್ಕೂ ಅರುಣಿತಾಗೂ ಸಂಬಂಧವಿಲ್ಲ, ಯಾವುದೇ ಸುಳ್ಳು ಸುದ್ದಿ ಹರಡಬೇಡಿ ಎನ್ನುವುದು ನಮ್ಮ ಮನವಿ” ಎಂದು ಸ್ಪಷ್ಟನೆ ಕೊಟ್ಟಿದೆ.
