Advertisement
ಬಿಬಿಎಂಪಿ ಹೆಚ್ಚುವರಿ ಆಯುಕ್ತರಾಗಿದ್ದ (ಆಡಳಿತ) ಪಾಂಡುರಂಗ ನಾಯ್ಕ ಅವರು ಸಂಸ್ಥೆಯ ಹೊಸ ವ್ಯವಸ್ಥಾಪಕ ನಿರ್ದೇಶಕರಾಗಲಿದ್ದಾರೆ. ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯಲ್ಲಿ ಒಟ್ಟು 2 ವರ್ಷ 4 ತಿಂಗಳು ಕಾರ್ಯ ನಿರ್ವಹಿಸಿದ್ದ ವಿನೋತ್‌ಪ್ರಿಯಾ ಅವರು ಸಾರಿಗೆ ಸಂಸ್ಥೆಯ ಏಳ್ಗೆಗೆ ಪ್ರಯತ್ನಿಸಿದ್ದರಲ್ಲದೇ ಸಂಸ್ಥೆಯ ಶ್ರೇಯಸ್ಸಿಗೆ ಹಲವಾರು ಕ್ರಮ ಕೈಗೊಂಡಿದ್ದರು.
Related Articles
Advertisement
ಸಕಾಲ ಮಾದರಿಯ “ಸೇವಾ ಸ್ಪಂದನ’ ಯೋಜನೆ ಅನುಷ್ಠಾನಗೊಳಿಸಿದ್ದರು. ಇದರಿಂದ ಕಾರ್ಯಕ್ಕೆ ಅವಧಿ ನಿಗದಿಯಾಯಿತು. ಇದು ಸಂಸ್ಥೆಯ ಅಭಿವೃದ್ಧಿಗೆ ಪೂರಕವಾಗಿತ್ತು. ಕಾನೂನು ಶಾಖೆಯಲ್ಲಿ ಮುಖ್ಯ ಕಾನೂನು ಅಧಿಕಾರಿ ವಿರುದ್ಧ ವಿಚಾರಣೆಗೆ ಆದೇಶಿಸಿ ಸಂಸ್ಥೆಗೆ 8 ಕೋಟಿ ರೂ. ನಷ್ಟವಾಗುವುದನ್ನು ತಡೆದಿದ್ದರು.
ವಿಚಾರಣೆ ನಡೆಸಿದ ನಂತರಕಾನೂನು ಅಧಿಕಾರಿಯನ್ನು ಬೆಂಗಳೂರಿನ ಬಿಎಂಟಿಸಿಗೆ ವರ್ಗಾವಣೆ ಮಾಡಲಾಗಿತ್ತು. ಮೊಬೈಲ್‌, ಕಂಪ್ಯೂಟರ್‌ ನೆರವಿನಿಂದ ರಜೆ ಪಡೆಯುವ ನೂತನ ವ್ಯವಸ್ಥೆಯನ್ನು (ಲೀವ್‌ ಮ್ಯಾನೇಜ್‌ಮೆಂಟ್‌ ಸಿಸ್ಟಮ್‌) ವಿನೋತ್‌ಪ್ರಿಯಾ ಜಾರಿಗೆ ತಂದಿದ್ದರು.
ಸಾರಿಗೆ ಸಿಬ್ಬಂದಿಗೆ ಸಮರ್ಪಕವಾಗಿ ರಜೆ ಲಭಿಸಲು ಅನುಕೂಲ ಕಲ್ಪಿಸಿದ್ದರು. ಸಂಸ್ಥೆಯ ತಾಂತ್ರಿಕ ಸಿಬ್ಬಂದಿ ನೆರವಿನಿಂದ ಕೇವಲ 6 ಸಾವಿರ ರೂ.ನಲ್ಲಿ ಸಾಫ್ಟ್ವೇರ್‌ ಅಭಿವೃದ್ಧಿ ಪಡಿಸಿದ್ದರಿಂದ ಸಂಸ್ಥೆಗೆ ಲಕ್ಷಾಂತರ ರೂ. ಉಳಿತಾಯ ಮಾಡಿದ್ದರು. ಸಾರಿಗೆ ಸಂಸ್ಥೆಗಳಲ್ಲಿ ಅವ್ಯಾಹತವಾಗಿ ವರ್ಗಾವಣೆ ನಡೆಯುತ್ತಿದ್ದವು.
ಇವರು ಸರ್ಕಾರಕ್ಕೆ ಶಿಫಾರಸು ಮಾಡಿ ಸಾರಿಗೆ ಸಂಸ್ಥೆಗಳಲ್ಲಿ ವರ್ಗಾವಣೆ ನೀತಿ ಜಾರಿಯಾಗಲು ಪ್ರಯತ್ನಿಸಿದ್ದರು. ಇದರಿಂದಾಗಿ ವರ್ಷದಲ್ಲಿ ಒಂದೇ ಸಾರಿ ವರ್ಗಾವಣೆ ಮಾಡಬೇಕೆಂಬ ನಿಯಮ ಜಾರಿಗೊಂಡಿತ್ತು. ಒಟ್ಟಿನಲ್ಲಿ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಏಳ್ಗೆಗೆ ಪ್ರಾಮಾಣಿಕ ಅಧಿಕಾರಿ ಎಂದೇ ಖ್ಯಾತಿ ಪಡೆದ ವಿನೋತ್‌ ಪ್ರಿಯಾ ಪ್ರಯತ್ನ ಮಾಡಿದ್ದರು.
* ವಿಶ್ವನಾಥ ಕೋಟಿ