ಕೆನಡಾ ಹೈಕಮಿಷನರ್‌ ಆಗ್ತಾರೆ ವಿಕಾಸ್‌ ಸ್ವರೂಪ್‌

ನವದೆಹಲಿ: ವಿದೇಶಾಂಗ ಇಲಾಖೆ ವಕ್ತಾರ ವಿಕಾಸ್‌ ಸ್ವರೂಪ್‌ ಕೆನಡಾದಲ್ಲಿ ಭಾರತದ ಹೈಕಮಿಷನರ್‌ ಆಗಿ ನಿಯುಕ್ತಿಗೊಂಡಿದ್ದಾರೆ. 1986ನೇ ಸಾಲಿನ ಐಎಫ್ಎಸ್‌ ಅಧಿಕಾರಿಯಾಗಿರುವ ಅವರು ಹಂಗಾಮಿ ಹೈಕಮಿಷನರ್‌ ಆಗಿರುವ ಅರುಣ್‌ಕುಮಾರ್‌ ಸ್ಥಾನ ತುಂಬಲಿದ್ದಾರೆ.

ಸಾಮಾಜಿಕ ಜಾಲ ತಾಣಗಳಲ್ಲಿ ಇಲಾಖೆಯನ್ನು ಹೆಚ್ಚು ಜನಪ್ರಿಯಗೊಳಿಸಿದ ಹೆಗ್ಗಳಿಕೆ ಅವರದ್ದು . ವಿಕಾಸ್‌ ಸ್ವರೂಪ್‌ ಅವರ ಚೊಚ್ಚಲ ಕಾದಂಬರಿ “ಸ್ಲಂ ಡಾಗ್‌ ಮಿಲಿಯನೇರ್‌’ ಹಾಲಿವುಡ್‌ನ‌ಲ್ಲಿ ಚಿತ್ರವಾಗಿದ್ದು ಈ ಸಿನಿಮಾಕ್ಕೆ 8 ಆಸ್ಕರ್‌ ಪ್ರಶಸ್ತಿಗಳು ಸಂದಿವೆ. ಐಎಫ್ಎಸ್‌ ಅಧಿಕಾರಿ ಗೋಪಾಲ ಬಾಗ್ಲೆ ಇಲಾಖೆಯ ಹೊಸ ವಕ್ತಾರರಾಗಲಿದ್ದಾರೆ.