‘ಭೀಮ’ ಫ‌ಸ್ಟ್‌ ಲುಕ್‌ ಟೀಸರ್‌ ಗೆ ಮೆಚ್ಚುಗೆ

“ದುನಿಯಾ’ ವಿಜಯ್‌ ಬರ್ತ್‌ಡೇಗೆ ಬಿಡುಗಡೆಯಾಗಿರುವ “ಭೀಮ’ ಚಿತ್ರದ ಫ‌ಸ್ಟ್‌ಲುಕ್‌ ಟೀಸರ್‌ ಹಿಟ್‌ಲಿಸ್ಟ್‌ ಸೇರಿದೆ. ಸಖತ್‌ ರಗಡ್‌ ಲುಕ್‌ ನಲ್ಲಿ ಎಂಟ್ರಿ ಕೊಟ್ಟಿರುವ ವಿಜಯ್‌ ಅವರನ್ನು ನೋಡಿ ಮಾಸ್‌ ಅಭಿಮಾನಿಗಳು ಖುಷಿಯಾಗಿದ್ದಾರೆ.

ಅದಕ್ಕೆ ಪೂರಕವಾಗಿ ಟೀಸರ್‌ನಲ್ಲಿ ಒಂದಿಷ್ಟು ಮಾಸ್‌ ಡೈಲಾಗ್‌- ಕೌಂಟರ್‌ ಡೈಲಾಗ್‌ ಇದ್ದು, ಇದು ಸಿನಿಮಾದ ಕ್ರೇಜ್‌ ಹೆಚ್ಚಿಸಿರುವುದಂತೂ ಸುಳ್ಳಲ್ಲ. “ಸಲಗ’ ಚಿತ್ರದ ಬಳಿಕ “ದುನಿಯಾ’ ವಿಜಯ್‌ ನಿರ್ದೇಶಿಸಿ, ನಟಿಸುತ್ತಿರುವ ಸಿನಿಮಾ “ಭೀಮ’ ಆಗಿದ್ದು, ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಈ ಬಾರಿಯೂ ವಿಜಯ್‌ ತಮ್ಮ ಮಾಸ್‌ ಅಭಿಮಾನಿಗಳನ್ನು ಗಮನದಲ್ಲಿಟ್ಟುಕೊಂಡು ಕಥೆ ಮಾಡಿದ್ದು, ಮತ್ತೂಂದು ಹಿಟ್‌ ಸಿನಿಮಾ ವಿಶ್ವಾಸ ಕೂಡಾ ಅವರಿಗಿದೆ.

ಇದನ್ನೂ ಓದಿ:ಜಾತ್ರೆ ಸಂಭ್ರಮ-ದೇವರ ವಿಗ್ರಹ ಕ್ರೇನ್ ನಿಂದ ಕೆಳಗೆ ಬಿದ್ದು..ನಾಲ್ಕು ಭಕ್ತರ ಮೃತ್ಯು

ಈ ಚಿತ್ರವನ್ನು ಕೃಷ್ಣ ಸಾರ್ಥಕ್‌ ಹಾಗೂ ವಿತರಕ ಜಗದೀಶ್‌ ಗೌಡ ನಿರ್ಮಾಣ ಮಾಡುತ್ತಿದ್ದಾರೆ. “ಭೀಮ’ ಬಳಿಕ ವಿಜಯ್‌ ಜೊತೆ ಇದೇ ನಿರ್ಮಾಪಕರು ಮತ್ತೂಂದು ಸಿನಿ ಮಾವನ್ನು ಅನೌನ್ಸ್‌ ಮಾಡಿದ್ದಾರೆ. ಈ ಚಿತ್ರವನ್ನು ಜಡೇಶ್‌ ನಿರ್ದೇಶಿಸುತ್ತಿದ್ದಾರೆ.