ವಿಜಯಪುರ: ಮಹಾನಗರಗಳ ಕೈಗಾರಿಕೆಗಳು, ಗಗನಚುಂಬಿ ಕಟ್ಟಡಗಳು, ಮೆಟ್ರೋ ನಿರ್ಮಾಣದಂಥ ಯೋಜನೆಗಳ ಕಾಮಗಾರಿ ನಿರ್ಮಾಣದಲ್ಲಿ ಕಂಡು ಬರುತ್ತಿದ್ದ ಮ್ಯಾನ್ ಲಿಫ್ಟರ್ ಯಂತ್ರ ಇದೀಗ ವಿಜಯಪುರಕ್ಕೂ ಬಂದಿದೆ. ದೇಶದಲ್ಲೇ ಅತಿ ಉದ್ದ ಹಾಗೂ ಎತ್ತರದ ಜಲಸೇತುವೆ ಎಂಬ ಹಿರಿಮೆಗೆ ಪಾತ್ರವಾಗಲಿರುವ ತಿಡಗುಂದಿ ನಾಲೆ ನಿರ್ಮಾಣ ಕೆಲಸದಲ್ಲಿ ಮ್ಯಾನ್ ಲಿಫ್ಟರ್ ಯಂತ್ರವನ್ನು ಬಳಸಿಕೊಳ್ಳಲಾಗುತ್ತಿದೆ. ಸದರಿ ಯಂತ್ರ ನೀರಾವರಿ ಯೋಜನೆ ಮೂಲಕ ಉತ್ತರ ಕರ್ನಾಟಕದಲ್ಲಿ ಮೊದಲ ಬಾರಿಗೆ ಬಳಸಿಕೊಂಡಿರುವುದು ಕೂಡ ದಾಖಲೆ ಎನಿಸಿದೆ.
Advertisement
ಮ್ಯಾನ್ಲಿಫ್ಟರ್ ಯಂತ್ರ ಎತ್ತರದ ಪ್ರದೇಶದಲ್ಲಿ ನಡೆಯುವ ಕಾಮಗಾರಿ ಸ್ಥಳಕ್ಕೆ ಕಾರ್ಮಿಕರನ್ನು ಕರೆದೊಯ್ಯುವ ಹಾಗೂ ಕೆಳಗೆ ಇಳಿಸಲು ಬಳಕೆಯಾಗುವ ಆಧುನಿಕ ಯಂತ್ರ. ಕೈಗಾರಿಕೆಗಳು, ಮೆಟ್ರೋ ಹಾಗೂ ಗಗನಚುಂಬಿ ಬಹುಮಹಡಿ ಕಟ್ಟಡಗಳ ನಿರ್ಮಾಣ ಸಂದರ್ಭದಲ್ಲಿ ಮ್ಯಾನ್ಲಿಫ್ಟರ್ ಎಂಬ ಯಂತ್ರದ ಬಳಕೆ ಇದೀಗ ಸಾಮಾನ್ಯವಾಗಿದೆ. ಕಾರ್ಮಿಕರು ಎತ್ತರದ ಪ್ರದೇಶದಲ್ಲಿ ಕೆಲಸ ಮಾಡುವಾಗ ಅಪಾಯಕ್ಕೆ ಸಿಲುಕಿದ ಸಂದರ್ಭದಲ್ಲಿ ತುರ್ತು ನೆರವಿಗೆ ಧಾವಿಸುವಲ್ಲಿ ಮ್ಯಾನ್ ಲಿಫ್ಟರ್ ಬಳಕೆ ಅತ್ಯಂತ ಸಹಕಾರಿ. ಸುರಕ್ಷತಾ ಬೆಲ್ಟ್ ಹಾಗೂ ಹೆಲ್ಮೆಟ್ ಹಾಕಿಯೇ ಈ ವಿಶಿಷ್ಟ ಲಿಫ್ಟ್ನಲ್ಲಿ ಕಾರ್ಮಿಕರನ್ನು ಸಾಗಿಸಲಾಗುತ್ತದೆ.
Related Articles
Advertisement
ಎತ್ತರದ ಪ್ರದೇಶದಲ್ಲಿ ಅಪಾಯಕಾರಿ ಕೆಲಸಗಳಲ್ಲಿ ತೊಡಗಿರುವ ಕಾರ್ಮಿಕರು ಸಂಕಷ್ಟಕ್ಕೆ ಸಿಲುಕಿದಾಗ ರಕ್ಷಣೆ ಮಾಡುವಲ್ಲಿ ಮ್ಯಾನ್ ಲಿಫ್ಟರ್ ಅತ್ಯಂತ ಪ್ರಯೋಜನಕಾರಿ ಎನಿಸಿದೆ. ತಿಡಗುಂದಿ ನೀರಾವರಿ ವಿಸ್ತರಣೆಯ ಜಲ ಮೇಲ್ಸೇತುವೆ ನೂರಾರು ಅಡಿ ಎತ್ತರದಲ್ಲಿ ನಿರ್ಮಾಣ ಮಾಡುತ್ತಿರುವ ಕಾರಣ ಈ ಯಂತ್ರದ ಬಳಕೆ ಅತ್ಯಂತ ಸಹಕಾರಿ ಆಗಿದೆ.• ಪ್ರಭಾಕರ, ಫೋರಮನ್,
ಸಿವಿಲ್ ವರ್ಕ್ ವಿಭಾಗ, ಎಸ್ಎನ್ಸಿ ಸಂಸ್ಥೆ ಮುಂಬೈನ ಖಾಸಗಿ ಕಂಪನಿಯಿಂದ ಇದನ್ನು ಮಾಸಿಕ ಬಾಡಿಗೆ ಆಧಾರದಲ್ಲಿ ಪಡೆದಿದ್ದು, ಕಳೆದ ಒಂದು ವರ್ಷದಿಂದ ಬಳಸಲಾಗುತ್ತಿದೆ. ಕರ್ನಾಟಕದಲ್ಲಿ ಮೆಟ್ರೋ ಕಾಮಗಾರಿಯಲ್ಲಿ ಮ್ಯಾನ್ ಲಿಫ್ಟರ್ ಬಳಕೆಯಾಗುತ್ತದೆ. ಇದೇ ಮೊದಲ ಬಾರಿಗೆ ನೀರಾವರಿ ಯೋಜನೆಯಲ್ಲಿ ನಮ್ಮ ಸಂಸ್ಥೆ ಈ ವಿಶಿಷ್ಟ ಯಂತ್ರವನ್ನು ಬಳಕೆ ಮಾಡಿಕೊಂಡಿದೆ. •ಬಸವರಾಜ ಬಾರಕೇರ,
ವ್ಯವಸ್ಥಾಪಕರು, ಪ್ಲಾಂಟ್ ಮಸೀನ್ ವಿಭಾಗ, ಎಸ್.ಎನ್.ಸಿ. ಸಂಸ್ಥೆ