ವಿಜಯಪುರ:ಪೊಲೀಸ್‌ ಮೇಲೆ ದಾಳಿ;ರೌಡಿ ಕಾಲಿಗೆ ಗುಂಡು

ವಿಜಯಪುರ: ಇಲ್ಲಿನ ಗಾಂಧಿಚೌಕ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯ ರೌಡಿ ಶೀಟರ್‌ವೊಬ್ಬನ ಕಾಲಿಗೆ ಪೊಲೀಸರು ಗುಂಡು ಹಾರಿಸಿದ ಘಟನೆ ಸೋಮವಾರ ಬೆಳ್ಳಂಬೆಳಗ್ಗೆ ನವಭಾಗ್  ಪ್ರದೇಶದಲ್ಲಿ ನಡೆದಿದೆ. 

ವರದಿಯಾದಂತೆ ಕೊಲೆ ಸೇರಿ  ವಿವಿಧ ಪ್ರಕರಣಗಳಲ್ಲಿ ಬೇಕಿದ್ದ  ರೌಡಿ ಯೂನಿಸ್‌ ಅಕ್ಲಾಸ್ ಪಟೇಲ್(25) ಎಂಬಾತನ ಬಂಧನಕ್ಕೆ ತೆರಳಿದ್ದಾಗ ಪೊಲೀಸರ ಮೇಲೆಯೇ ಮಾರಕಾಯುಧಗಳಿಂದ ದಾಳಿ ನಡೆಸಿದ್ದು, ಈ ವೇಳೆ ಆತ್ಮ ರಕ್ಷಣೆಗಾಗಿ ಪಿಎಸ್‌ಐ ಆರೀಫ್ ಮುಶಾಪರೆ ಮೂರು ಸುತ್ತು ಗುಂಡು ಹಾರಿಸಿದ್ದಾರೆ. ಒಂದು ಗುಂಡು ಆರೀಫ್ ಕಾಲಿಗೆ ಹೊಕ್ಕಿ ಕುಸಿದು ಬಿದ್ದಿದ್ದಾನೆ. 

ಕಾರ್ಯಾಚರಣೆ ವೇಳೆ ಪೇದೆ ಮದನ್‌ ಶೆಟ್ಟಿಗೆ ಅವರಿಗೂ ಗಾಯವಾಗಿದೆ. 

ಆರೋಪಿ ಯೂನಿಸ್‌ ಮತ್ತು ಪೊಲೀಸ್‌ ಸಿಬಂದಿಗಳಾದ ಆರೀಫ್ ಮತ್ತು ಮದನ್‌ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.