ಸಯ್ಯದ್ ಮುಷ್ತಕ್ ಆಲಿ ಟಿ20 : ತಮಿಳುನಾಡಿಗೆ ವಿಜಯ್‌ ಶಂಕರ್‌ ನಾಯಕ

ಚೆನ್ನೈ: ಸಯ್ಯದ್‌ ಮುಷ್ತಕ್‌ ಅಲಿ ಟಿ20 ಟೂರ್ನಿಗೆ ತಮಿಳುನಾಡು ತಂಡವನ್ನು ಪ್ರಕಟಿಸಲಾಗಿದೆ. ಆಲ್‌ರೌಂಡರ್‌ ವಿಜಯ್‌ ಶಂಕರ್‌ ನಾಯಕನಾಗಿ ಮತ್ತು ಬಾಬಾ ಅಪರಾಜಿತ್‌ ಉಪನಾಯಕನಾಗಿ ಆಯ್ಕೆಯಾಗಿದ್ದಾರೆ.

ಟೂರ್ನಿ ಜ.8 ರಿಂದ 14ರ ವರೆಗೆ ನಡೆಯಲಿದೆ. ವಿಜಯ್‌ ಶಂಕರ್‌ ಇತ್ತೀಚೆಗೆ ಶ್ರೀಲಂಕಾ ವಿರುದ್ಧದ ಟೆಸ್ಟ್‌ ಸರಣಿಗೂ ಆಯ್ಕೆಯಾಗಿದ್ದರು. ಪ್ರಥಮ ದರ್ಜೆ ಪಂದ್ಯಗಳಲ್ಲಿ ಅತ್ಯುತ್ತಮ ಫಾರ್ಮ್ ಉಳಿಸಿಕೊಂಡಿರುವ ಹಿನ್ನೆಲೆಯಲ್ಲಿ ನಾಯಕನ ಸ್ಥಾನ ಸಿಕ್ಕಿದೆ. ಉಳಿದಂತೆ ತಂಡದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟಿಗ ದಿನೇಶ್‌ ಕಾರ್ತಿಕ್‌ ಕೂಡ ಸ್ಥಾನ ಪಡೆದಿದ್ದಾರೆ.