Bhool Bhulaiyaa 3; ವಿದ್ಯಾ-ಮಾಧುರಿ ನಾಟ್ಯ ಲಹರಿ

ಬಾಲಿವುಡ್‌ನ‌ಲ್ಲಿ ಈಗ ಹಾರರ್‌ ಕಾಮಿಡಿ ಚಿತ್ರಗಳೇ ಹೆಚ್ಚು ಮನರಂಜನೆ ನೀಡುತ್ತಿವೆ. ಇದನ್ನು ಅರಿತ ನಿರ್ದೇಶಕರು ಅದೇ ಜಾನರ್‌ನ ಸಿನಿಮಾಗಳಿಗೆ ಒತ್ತು ನೀಡುತ್ತಿದ್ದಾರೆ. ಈ ವರ್ಷದ ದೀಪಾವಳಿಗೆ ಅಂಥದ್ದೇ ಸಿನಿಮಾ ತೆರೆಗೆ ಬರಲಿದೆ. ಅದುವೇ “ಭೂಲ್‌ ಭುಲೈಯ್ಯಾ 3′.

ಅನೀಶ್‌ ಬಾಜ್ಮಿ ನಿರ್ದೇಶನದ ಈ ಸಿನಿಮಾದ ಟ್ರೇಲರ್‌ ಇತ್ತೀಚೆಗೆ ಬಿಡುಗಡೆ ಗೊಂಡಿದೆ. ಈ ಹಿಂದೆ ಬಂದಿದ್ದ ಭೂಲ್‌ ಭುಲೈಯ್ಯಾ ಹಾಗೂ ಭೂಲ್‌ ಭುಲೈಯ್ಯಾ 2 ಸಿನಿಮಾಗಳು ಯಶಸ್ಸು ಕಂಡಿದ್ದವು. ಸದ್ಯ ಭೂಲ್‌ ಭುಲೈಯ್ಯಾ 3 ಚಿತ್ರದಲ್ಲಿ ವಿದ್ಯಾ ಬಾಲನ್‌ ಜೊತೆಗೆ ಮಾಧುರಿ ದೀಕ್ಷಿತ್‌ ಮಂಜುಳಿಕಾ ಪಾತ್ರದಲ್ಲಿ ನಟಿಸಿರುವುದು ಪ್ರೇಕ್ಷಕರಲ್ಲಿ ಹೊಸ ನಿರೀಕ್ಷೆ ಹುಟ್ಟುಹಾಕಿಸಿದೆ. ಈ ಮೂಲಕ ಎರಡು ಸ್ಟಾರ್‌ ನಟಿಯರು ಒಟ್ಟಿಗೆ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.

ಚಿತ್ರದ ಟ್ರೇಲರ್‌ನಲ್ಲಿ ಮಾಧುರಿ ಹಾಗೂ ವಿದ್ಯಾ ಬಾಲನ್‌ ಒಟ್ಟಿಗೆ ನೃತ್ಯ ಮಾಡಿ, ನಟಿಸಿದ್ದಾರೆ. ಸದ್ಯ ಟ್ರೇಲರ್‌ನಲ್ಲಿನ ಇವರ ಲುಕ್‌ ಹಾಗೂ ನಟನೆಗೆ ಪ್ರಶಂಸೆ ಬರತೊಡಗಿವೆ.