ತುಂಬಾ ಖುಷಿಯಾಗಿದೆ

ಕಾರ್ಕಳ: ರಿಸಲ್ಟ್ ತಿಳಿದು ತುಂಬಾ ಖುಷಿಯಾಗಿದೆ. ಉತ್ತಮ ಅಂಕ ಸಿಗುವ ನಿರೀಕ್ಷೆಯಿತ್ತು. ಮುಂದೆ ನಾನು ಎಂಬಿಬಿಎಸ್‌ ಓದಿ ಡಾಕ್ಟರ್‌ ಆಗಬೇಕೆಂದಿದ್ದೇನೆ ಎಂದು 622 ಅಂಕ ಗಳಿಸಿರುವ ಪ್ರಾಪ್ತಿ ವಿ. ಶೆಟ್ಟಿ ಪ್ರತಿಕ್ರಿಯಿಸಿದ್ದಾರೆ.

ಈಕೆ ಕಾರ್ಕಳ ಗಣಿತನಗರ ಜ್ಞಾನಸುಧಾ ಪ್ರೌಢ ಶಾಲೆಯ ವಿದ್ಯಾರ್ಥಿನಿ. ಹೆತ್ತವರು ಮತ್ತು ಶಿಕ್ಷಕರು ಅತ್ಯಂತ ಉಪಯುಕ್ತ ರೀತಿಯಲ್ಲಿ ಪ್ರೋತ್ಸಾಹ ನೀಡುತ್ತಿದ್ದರು. ಪ್ರತಿದಿನ 4 ಗಂಟೆಗಳ ಕಾಲ ಅಭ್ಯಾಸ ಮಾಡುತ್ತಿದ್ದೆ. ಹೆತ್ತವರು ಒತ್ತಡ ಹೇರಿರಲಿಲ್ಲ -ಇದು ಪ್ರಾಪ್ತಿಯವರ ಮಾತು. ಈಕೆ ಕಾರ್ಕಳ ತಾಲೂಕು ಕೌಡೂರು ಗ್ರಾಮದ ಬೈಲೂರಿನ ವಿನಯ ಕುಮಾರ್‌ ಶೆಟ್ಟಿ ಮತ್ತು ಜ್ಯೋತಿ ಶೆಟ್ಟಿ ದಂಪತಿಯ ಪುತ್ರಿ.