ಪಾದಚಾರಿಗಳ ಮೇಲೆ ಹರಿದ ವಾಹನ

ಮಂಸ್ಟರ್‌ (ಜರ್ಮನಿ): ಪಶ್ಚಿಮ ಜರ್ಮನಿಯ ಮಂಸ್ಟರ್‌ನಲ್ಲಿ ಪಾದಚಾರಿ ರಸ್ತೆಯೊಂದರ ಮೇಲೆ ಸಾಗುತ್ತಿದ್ದ ಜನರ ಮೇಲೆ ವ್ಯಕ್ತಿಯೊಬ್ಬ ವಾಹನವೊಂದನ್ನು ಹರಿಸಿ, ಹಲವಾರು ಮಂದಿಯ ಸಾವಿಗೆ ಕಾರಣನಾಗಿದ್ದಾನೆ. ಘಟನೆ ನಡೆದ ತಕ್ಷಣವೇ ಆತ, ತನಗೆ ತಾನೇ ಗುಂಡು ಹಾರಿಸಿಕೊಂಡು ಮೃತಪಟ್ಟಿದ್ದು, ಇದು ಉಗ್ರರ ಕೃತ್ಯವೇ ಎಂಬ ಶಂಕೆಯನ್ನು ಹುಟ್ಟುಹಾಕಿದೆ. ಆದರೆ, ಪೊಲೀಸರು ಯಾವುದೇ ನಿರ್ಧಾರಕ್ಕೆ ಬಂದಿಲ್ಲ. ಈ ಬಗ್ಗೆ ಟ್ವಿಟರ್‌ನಲ್ಲಿ ಪ್ರತಿಕ್ರಿಯಿಸಿರುವ ಪೊಲೀಸ್‌ ಇಲಾಖೆ, “”ಘಟನೆಯಲ್ಲಿ ಸಾವು ನೋವುಗಳಾಗಿವೆ. ಈ ಪ್ರಾಂತ್ಯಕ್ಕೆ ಸದ್ಯ ಜನರ ಪ್ರವೇಶ ನಿಷೇಧಿಸಲಾಗಿದೆ ಹಾಗೂ ವದಂತಿಗಳನ್ನು ಹರಡದಂತೆ ಈ ಮೂಲಕ ಮನವಿ ಮಾಡಲಾಗುತ್ತಿದೆ” ಎಂದು ಹೇಳಿದೆ.