ಗ್ರಾಹಕರ ಮನೆ ಬಾಗಿಲಿಗೇ ತರಕಾರಿ

ಧಾರವಾಡ: ಕಾಯಕ ಯೋಗಿ ರೈತ ಉತ್ಪಾದಕರ ಕಂಪನಿಯು ದಲ್ಲಾಳಿಗಳು-ಮಧ್ಯಸ್ಥಿಕೆಗಾರರ ಹಾವಳಿ ಇಲ್ಲದೆ ನಗರದ ಗ್ರಾಹಕರ ಮನೆ ಬಾಗಿಲಿಗೇ ಎಲ್ಲ ರೀತಿಯ ತರಕಾರಿ ಪದಾರ್ಥಗಳನ್ನು ಒಯ್ದು ಮಾರಾಟ ಮಾಡುತ್ತಿದೆ. ಅಗತ್ಯ ವಸ್ತುಗಳ ಸೇವೆಯಡಿ ಜಿಲ್ಲಾಡಳಿತ ಈ ಕಂಪನಿಗೆ ತರಕಾರಿ ಮಾರಾಟ ಮಾಡಲು ಪಾಸ್‌ ನೀಡಿದ್ದು, ಶುಕ್ರವಾರ ಕೆ.ಸಿ. ಪಾರ್ಕ್‌ ಹಿಂಭಾಗದ ಬಡಾವಣೆ, ಸನ್ಮತಿ ನಗರ, ನಾರಾಯಣಪುರ, ಸಾಧನಕೇರಿ ಪ್ರದೇಶಗಳಲ್ಲಿ ವಾಹನಗಳ ಮೂಲಕ ತಿರುಗಾಡಿ ತರಕಾರಿ ಮಾರಾಟ ಮಾಡಿದೆ. ಶನಿವಾರದಿಂದ ಪ್ರತಿದಿನ ಬೆಳಿಗ್ಗೆ 9:00 ರಿಂದ ರಾತ್ರಿ 8:00 ಗಂಟೆವರೆಗೆ ತರಕಾರಿ ಮಾರಾಟಕ್ಕೆ ವ್ಯವಸ್ಥೆ ಮಾಡಲಾಗಿದೆ.

ಧಾರವಾಡ ನಗರದ ಬಡಾವಣೆ, ಅಪಾರ್ಟ್‌ಮೆಂಟ್‌ ಸೇರಿದಂತೆ ಎಲ್ಲೆಡೆ ಸಂಚರಿಸಿ, ಗ್ರಾಹಕರಿಗೆ ತರಕಾರಿ ಮಾರಾಟ ಮಾಡುವ ವ್ಯವಸ್ಥೆ ಕಲ್ಪಿಸಲಾಗಿದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆಯಬೇಕು ಮತ್ತು ತರಕಾರಿ ಅಗತ್ಯವಿದ್ದಲ್ಲಿ ಮೊ: 9164036283 (ಪ್ರಕಾಶ) 9448982344 (ಯಲ್ಲಪ್ಪ), 9964293666 (ಮಂಜುನಾಥ) ಮತ್ತು 9900147592ಗೆ ಕರೆ ಮಾಡಿ ತಿಳಿಸಬಹುದು ಎಂದು ತೋಟಗಾರಿಕ ಇಲಾಖೆ ಉಪನಿರ್ದೇಶಕ ಡಾ|ರಾಮಚಂದ್ರ ತಿಳಿಸಿದ್ದಾರೆ.