ವೀರ ಮಹಾದೇವಿ ಚಿತ್ರದಲ್ಲಿ ಸನ್ನಿ ಅಭಿನಯ ಬೇಡ; ಕರವೇ ಯುವಸೇನೆ ವಿರೋಧ

ಬೆಂಗಳೂರು: ಸತಿ ಸಾದ್ವಿ, ಕರ್ನಾಟಕದ ಹೆಮ್ಮೆಯ ವೀರ ವನಿತೆ ವೀರ ಮಹಾದೇವಿ ಅವರ ಕುರಿತ ಚಿತ್ರದಲ್ಲಿ ಫೋರ್ನ್ ಸ್ಟಾರ್ ಸನ್ನಿ ಲಿಯೋನ್ ನಟಿಸುತ್ತಿರುವುದಕ್ಕೆ ಕರವೇ ಯುವಸೇನೆ ಸೋಮವಾರ ಟೌನ್ ಹಾಲ್ ಮುಂಭಾಗ ಪ್ರತಿಭಟನೆ ನಡೆಸುವ ಮೂಲಕ ವಿರೋಧ ವ್ಯಕ್ತಪಡಿಸಿದೆ.

ರಾಷ್ಟ್ರಕೂಟ ಅಮೋಘ ವರ್ಷ ನೃಪತುಂಗ ಅವರ ಕಥೆಯನ್ನಾಧರಿಸಿ ಐದು ಭಾಷೆಗಳಲ್ಲಿ ವೀರ ಮಹಾದೇವಿ ಸಿನಿಮಾ ನಿರ್ಮಾಣವಾಗುತ್ತಿದೆ. ಚಿತ್ರದಲ್ಲಿ ಇತಿಹಾಸವನ್ನು ತಿರುಚಿ, ಕನ್ನಡಿಗರ ಭಾವನೆಗಳಿಗೆ ಧಕ್ಕೆ ಉಂಟು ಮಾಡಲಾಗುತ್ತಿದೆ ಎಂದು ಯುವಸೇನೆಯ ರಾಜ್ಯಾಧ್ಯಕ್ಷ ಹರೀಶ್ ಆರೋಪಿಸಿದ್ದಾರೆ.

ವೀರ ವನಿತೆ ಮಹಾದೇವಿ ಅವರು ನಟಿಸುವುದೇ ಕನ್ನಡಿಗರ ಭಾವನೆಗಳಿಗೆ ಧಕ್ಕೆ ತರುತ್ತದೆ. ಚಿತ್ರದ ನಟಿ ಸನ್ನಿ ಲಿಯೋನ್ ಆ ಪಾತ್ರ ಮಾಡುವುದು ಬೇಡ. ಕೂಡಲೇ ನಟಿಯನ್ನು ಬದಲಾಯಿಸಬೇಕು. ಇಲ್ಲದಿದ್ದರೆ ತೀವ್ರ ಪ್ರತಿಭಟನೆ ನಡೆಸಲಾಗುವುದು ಎಂದು ಯುವಸೇನೆ ಎಚ್ಚರಿಕೆ ನೀಡಿದೆ.

*ವಿಡಿಯೋ: ಫಕ್ರುದ್ದೀನ್