ವಾಲ್ಮೀಕಿ ಪ್ರತಿಮೆ ಪ್ರತಿಷ್ಠಾಪನೆಗೆ ಚಾಲನೆ

ಬೆಂಗಳೂರು: ವಿಧಾನಸೌಧದ ಪಶ್ಚಿಮ ದ್ವಾರದ ಬಳಿ ರಾಮಾಯಣ ಕತೃ ಮಹರ್ಷಿ ವಾಲ್ಮೀಕಿಯವರ ಪುತ್ಥಳಿ ಪ್ರತಿಷ್ಠಾಪನಾ ಕಾರ್ಯ ನಡೆಯಿತು. ವಾಲ್ಮೀಕಿ ಗುರುಪೀಠದ ಶ್ರೀ ಪ್ರಸನ್ನಾನಂದ ವಾಲ್ಮೀಕಿ ಸ್ವಾಮಿಗಳ ಸಮ್ಮುಖದಲ್ಲಿ ಪುತ್ಥಳಿ ಪ್ರತಿಷ್ಠನಾ ಕಾರ್ಯಕ್ಕೆ ಚಾಲನೆ ನೀಡಲಾಯಿತು.

ಸಚಿವ ರಮೇಶ್‌ಜಾರಕಿ ಹೊಳಿ, ವಿಧಾನಪರಿಷತ್‌ ಸದಸ್ಯ ವಿ.ಎಸ್‌.ಉಗ್ರಪ್ಪ, ಅಖೀಲ ಕರ್ನಾಟಕ ವಾಲ್ಮೀಕಿ ಮಹಾಸಭಾದ ಅಧ್ಯಕ್ಷ  ಎಂ.ನರಸಿಂಹಯ್ಯ ಪ್ರತಿಮೆ ಪುರಪ್ರವೇಶ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

12 ಅಡಿಯ 25 ಟನ್‌ ತೂಕದ ಪ್ರತಿಮೆ ಇದಾಗಿದ್ದು ದೇಶದಲ್ಲೇ ಅತಿ ಎತ್ತರದ ವಾಲ್ಮೀಕಿ ಪ್ರತಿಮೆ ಎನಿಸಿಕೊಂಡಿದೆ. ತಮಿಳುನಾಡಿನ ಮಹಾಬಲಿಪುರಂನಲ್ಲಿ ಒಂದು ವರ್ಷದಿಂದ ಶಿಲ್ಪಿಗಳಾದ ಜಗನ್ನಾಥ್‌, ಅಶೋಕ್‌ ಗುರಿಕಾರ್‌ ಅವರು ಕಪ್ಪುಶಿಲೆಯಲ್ಲಿ ಪ್ರತಿಮೆ ರೂಪಿಸಿದ್ದಾರೆ.