ಮಕ್ಕಳಿಗೆ ಲಸಿಕೆ: ಚಿಕ್ಕಬಳ್ಳಾಪುರ ಪ್ರಥಮ, ಚಾಮರಾಜನಗರ ದ್ವಿತೀಯ

ಚಾಮರಾಜನಗರ: ಶಿಶು ಜನಿಸಿದಾಗಿನಿಂದ 5 ವರ್ಷದ ವರೆಗಿನ ಮಕ್ಕಳಿಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ನೀಡಲಾಗುವ ಸಾರ್ವತ್ರಿಕ ಲಸಿಕಾ ಕಾರ್ಯಕ್ರಮದಲ್ಲಿ ಚಿಕ್ಕಬಳ್ಳಾಪುರ ರಾಜ್ಯದಲ್ಲೇ ಪ್ರಥಮ ಸ್ಥಾನದಲ್ಲಿದ್ದು, ಚಾಮರಾಜನಗರ ಜಿಲ್ಲೆ ದ್ವಿತೀಯ ಸ್ಥಾನದಲ್ಲಿದೆ.

ಚಿಕ್ಕಬಳ್ಳಾಪುರಕ್ಕೂ ಚಾಮರಾಜನಗರಕ್ಕೂ ಶೇ.0.14ರಷ್ಟು ಅಂತರವಿದೆ. 2022ರ ಜೂನ್‌ ಹಾಗೂ 2023 ಮೇ ತಿಂಗಳವರೆಗೆ ಜನಿಸಿದ ಮಕ್ಕಳಿಗೆ 2024 ಎಪ್ರಿಲ್‌ ತಿಂಗಳವರೆಗೆ ನೀಡಿರುವ ಲಸಿಕೆ ಆಧರಿಸಿ, ಆರ್‌ಸಿಎಚ್‌ ಪೋರ್ಟಲ್‌ನಲ್ಲಿ ಜಿಲ್ಲೆಗಳ ಲಸಿಕೆ ಸಾಧನೆಯನ್ನು ಪಟ್ಟಿ ಮಾಡಲಾಗಿದೆ.