ಚೀನ ಗಡಿಯಲ್ಲಿ ಪಹರೆಗೆ ಒಂಟೆ ಬಳಕೆ

ಹೊಸದಿಲ್ಲಿ: ಭಾರತ-ಚೀನ ನಡುವಿನ ವಾಸ್ತವ ಗಡಿ ರೇಖೆಯಲ್ಲಿ ಜಮೆಗೊಂಡಿರುವ ಚೀನ ಸೈನ್ಯದಿಂದ ಸಂಭವಿಸಬಹುದಾದ ಒಳನುಸುಳುವಿಕೆಯನ್ನು ತಪ್ಪಿಸಲು ಕಟ್ಟು ನಿಟ್ಟಿನ ಪಹರೆ ನಡೆಸಲು ಭಾರತೀಯ ಸೇನೆ ಚಿಂತನೆ ನಡೆಸಿದೆ. 

ಇದಕ್ಕಾಗಿ, ಒಂದು ಹಾಗೂ ಎರಡು ಡುಬ್ಬಗಳಿರುವ ಒಂಟೆಗಳನ್ನು ಬಳಸಲು ನಿರ್ಧರಿಸಲಾಗಿದೆ. ಬಿಕಾನೇರ್‌ನಲ್ಲಿರುವ ರಾಷ್ಟ್ರೀಯ ಒಂಟೆಗಳ ಸಂಶೋಧನಾ ಸಂಸ್ಥೆಯಲ್ಲಿರುವ ನಾಲ್ಕು “ಒಂಟಿ ಡುಬ್ಬದ ಒಂಟೆ’ಗಳನ್ನು ಲಡಾಖ್‌ಗೆ ಕರೆತರಲಾಗಿದೆ. ಇನ್ನು, ನುಬ್ರಾ ಕಣಿವೆ ಯಲ್ಲಿರುವ 200 ಒಂಟೆಗಳನ್ನು ಕರೆತಂದು ತರಬೇತಿ ನೀಡಲು ನಿರ್ಧರಿಸಲಾಗಿದೆ.