US ಅಧ್ಯಕ್ಷೀಯ ಅಭ್ಯರ್ಥಿ ರೇಸ್‌: ಹ್ಯಾಲೆ ಹಿಂದೆ ಸರಿಯುವುದು ‘ನಿಕ್ಕಿ’

ವಾಷಿಂಗ್ಟನ್‌: ಅಮೆರಿಕದ 15 ರಾಜ್ಯಗಳಲ್ಲಿ ಮಂಗಳವಾರ ನಡೆದ ಪ್ರಾಥಮಿಕ ಚುನಾವಣೆಗಳಲ್ಲಿ ಡೆಮಾಕ್ರಟಿಕ್‌ ಪಕ್ಷದಿಂದ ಜೋ ಬೈಡೆನ್‌ ಹಾಗೂ ರಿಪಬ್ಲಿಕನ್‌ ಪಕ್ಷದಿಂದ ಡೊನಾಲ್ಡ್‌ ಟ್ರಂಪ್‌ ಭರ್ಜರಿ ಜಯ ಸಾಧಿಸಿದ್ದಾರೆ. ಈ ಮೂಲಕ ಅಧ್ಯಕ್ಷೀಯ ಚುನಾವಣೆಗೆ ಮತ್ತೆ ಈ ಇಬ್ಬರ ನಡುವೆಯೇ ಪೈಪೋಟಿಗೆ ದಾರಿಯಾಗಿದ್ದು, ಭಾರತೀಯ ಮೂಲದ ಆಕಾಂಕ್ಷಿ ನಿಕ್ಕಿ ಹ್ಯಾಲೆ ಸ್ಪರ್ಧೆಯಿಂದ ಹಿಂದೆಸರಿಯುವ ಒತ್ತಡವೂ ಹೆಚ್ಚಾಗುತ್ತಿದೆ. ಬೈಡನ್‌14 ರಾಜ್ಯಗಳಲ್ಲಿ, ಟ್ರಂಪ್‌ 13 ರಾಜ್ಯದಲ್ಲಿ ಗೆದ್ದಿದ್ದಾರೆ. ನಿಕ್ಕಿ ಕೇವಲ 1 ರಾಜ್ಯದಲ್ಲಿ ಮಾತ್ರ ಗೆಲ್ಲಲು ಸಾಧ್ಯವಾಗಿದೆ.