Advertisement
2020ರಲ್ಲಿ ಯುಎಸ್ ಓಪನ್‌ನ ಫೈನಲಿಸ್ಟ್‌ ಗಿದ್ದ ಜ್ವೆರೇವ್‌ ಅವರು ಅಲ್ಕರಾಜ್‌ ಅವರ ಪ್ರಬಲ ಹೊಡೆತಗಳಿಗೆ ಉತ್ತರಿಸಲು ವಿಫ‌ಲವಾಗಿ 3-6, 2-6, 4-6 ಸೆಟ್‌ಗಳಿಂದ ಸೋತು ನಿರ್ಗಮಿಸಿದರು. . ಈ ಹಿಂದಿನ ಪಂದ್ಯದ ಮ್ಯಾರಥಾನ್‌ ಐದು ಸೆಟ್‌ಗಳ ಹೋರಾಟದ ಬಳಿಕ ಬಳಲಿದ್ದ ಜ್ವೆರೇವ್‌ ಕ್ವಾರ್ಟರ್‌ಫೈನಲ್‌ನಲ್ಲಿ ಮತ್ತೆ ಪ್ರಬಲವಾಗಿ ಹೋರಾಡಲು ಸಾಧ್ಯವಾಗಲೇ ಇಲ್ಲ. ಜಾನ್ನಿಕ್‌ ಸಿನ್ನರ್‌ ವಿರುದ್ಧದ ಐದು ಸೆಟ್‌ಗಳ ಹೋರಾಟವು ಈ ಕೂಟದ ಸುದೀರ್ಘ ಪಂದ್ಯವಾಗಿದೆ.
ಮೂರನೇ ಶ್ರೇಯಾಂಕದ ರಷ್ಯಾದ ಡ್ಯಾನಿಲ್‌ ಮೆಡ್ವೆಡೇವ್‌ ತನ್ನದೇ ದೇಶದ ಮತ್ತು ಮಗಳ ಸ್ನೇಹಿತ ಆ್ಯಂಡ್ರೆ ರುಬ್ಲೆವ್‌ ಅವರನ್ನು 6 -4, 6-3, 6-4 ನೇರ ಸೆಟ್‌ಗಳಿಂದ ಕೆಡಹಿ ಸೆಮಿಫೈನಲ್‌ ಹಂತಕ್ಕೇರಿದ್ದಾರೆ. 2021ರ ಚಾಂಪಿಯನ್‌ ಮೆಡ್ವೆಡೇವ್‌ ಇಲ್ಲಿ ಕಳೆದ ಐದು ವರ್ಷಗಳಲ್ಲಿ ನಾಲ್ಕು ಬಾರಿ ಸೆಮಿಫೈನಲ್‌ ತಲುಪಿದ ಸಾಧನೆ ಮಾಡಿದ್ದಾರೆ.
Related Articles
Advertisement
ಸಬಲೆಂಕಾ ಸೆಮಿಗೆದ್ವಿತೀಯ ಶ್ರೇಯಾಂಕದ ಬಲರೂಸ್‌ನ ಆರ್ಯನಾ ಸಬಲೆಂಕಾ ಚೀನದ ಎದುರಾಳಿ ಝೆಂಗ್‌ ಕ್ವಿನ್‌ವೆನ್‌ ಅವರನ್ನು 6-1, 6-4 ನೇರ ಸೆಟ್‌ಗಳಿಂದ ಸೋಲಿಸಿ ವನಿತೆಯರ ಸಿಂಗಲ್ಸ್‌ನಲ್ಲಿ ಸೆಮಿಫೈನಲ್‌ ತಲುಪಿದ್ದಾರೆ. ಮುಂದಿನ ವಾರ ವಿಶ್ವ ರ್‍ಯಾಂಕಿಂಗ್‌ನಲ್ಲಿ ಅಗ್ರಸ್ಥಾನ ಪಟ್ಟ ಏರಲಿರುವ ಸಬಲೆಂಕಾ ಅವರು ಸೆಮಿಫೈನಲ್‌ ಹೋರಾಟದಲ್ಲಿ ಅಮೆರಿಕದ ಮ್ಯಾಡಿಸನ್‌ ಕೀಸ್‌ ಅವರನ್ನು ಎದುರಿಸಲಿದ್ದಾರೆ. ಈ ಹಿಂದೆ ಗ್ರ್ಯಾನ್‌ ಸ್ಲಾಮ್‌ ಕೂಟದಲ್ಲಿ ಕ್ವಾರ್ಟರ್‌ಫೈನಲ್‌ ತಲುಪಲು ವಿಫ‌ಲವಾಗಿದ್ದ ಝೆಂಗ್‌ ಇಲ್ಲಿ 23 ಅನಗತ್ಯ ತಪ್ಪುಗಳನ್ನು ಮಾಡಿ ಪಂದ್ಯ ಕಳೆದುಕೊಂಡರು. ಆಸ್ಟ್ರೇಲಿಯನ್‌ ಓಪನ್‌ ವಿಜೇತೆ ಸಬಲೆಂಕಾ ಈ ವರ್ಷ ಇಲ್ಲಿ ಒಂದೇ ಒಂದು ಸೆಟ್‌ ಕಳೆದುಕೊಂಡಿಲ್ಲ. ಮೊದಲ ಐದು ಗೇಮ್‌ ಸುಲಭವಾಗಿ ಗೆದ್ದಿದ್ದ ಸಬಲೆಂಕಾ ಈ ವೇಳೆ ಮೊದಲ ಸರ್ವ್‌ನ ಅಂಕವನ್ನು ಒಮ್ಮೆ ಮಾತ್ರ ಕೈಚೆಲ್ಲಿದ್ದರು. ಸಬಲೆಂಕಾ ಅವರ ಸೆಮಿಫೈನಲ್‌ ಎದುರಾಳಿ ಮ್ಯಾಡಿಸನ್‌ ಕೀಸ್‌ ಇನ್ನೊಂದು ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ವಿಂಬಲ್ಡನ್‌ ಚಾಂಪಿಯನ್‌ ಮಾರ್ಕೆಟಾ ವೊಂಡ್ರೊಸೋವಾ ಅವರನ್ನು 6-1, 6-4 ಸೆಟ್‌ಗಳಿಂದ ಸೋಲಿಸಿದ್ದರು. 2017ರಲ್ಲಿ ಇಲ್ಲಿ ರನ್ನರ್‌ ಅಪ್‌ ಸ್ಥಾನ ಪಡೆದಿದ್ದ ಕೀಸ್‌ ಈ ಮೊದಲು ತವರಿನ ಗ್ರ್ಯಾನ್‌ ಸ್ಲಾಮ್‌ನಲ್ಲಿ ಬೇಗನೇ ಔಟಾಗಿದ್ದರೂ ಈ ಬಾರಿ ಅಮೋಘ ನಿರ್ವಹಣೆ ನೀಡಿ ಪ್ರಶಸ್ತಿಯತ್ತ ದಾಪುಗಾಲು ಹಾಕಿದ್ದಾರೆ.