ಭಾರೀ ಕ್ಷಿಪಣಿ ದಾಳಿಗೂ ಜಗ್ಗದ “ಜಗಜಟ್ಟಿ’ಸಿದ್ಧ!

ವಾಷಿಂಗ್ಟನ್‌: ಸಾಗರತಳದಲ್ಲಿದ್ದಾಗ ತನ್ನ ಮೇಲೆ ನಡೆಯುವ ಕ್ಷಿಪಣಿ ದಾಳಿಗಳನ್ನು ತಡೆದುಕೊಳ್ಳುವಂಥ “ಗೆನಾರ್ಡ್‌ ಆರ್‌ ಫೋರ್ಡ್‌’ ಎಂಬ ಯುದ್ಧ ಹಡಗೊಂದನ್ನು ಅಮೆರಿಕ ತಯಾರಿಸಿದೆ!

ಇದು, ಯುದ್ಧ ಹಡಗುಗಳ ಧ್ವಂಸಕ್ಕಾಗಿಯೇ ಚೀನ ತಯಾರಿಸಿರುವ “ಡಿಎಫ್-21ಡಿ’, “ಡಿಎಫ್-26′ ಎಂಬರೆಡು “ಕ್ಯಾರಿಯರ್‌ ಕಿಲ್ಲರ್‌’ಗಳ ದಾಳಿಗೂ ಜಗ್ಗದಂಥ ಹಡಗುಗಳು ಎಂದು ಅಮೆರಿಕ ಪ್ರಕಟಿಸಿದೆ.

ಇತ್ತೀಚೆಗೆ, ಗೆನಾರ್ಡ್‌ ಆರ್‌ ಫೋರ್ಡ್‌ ಹಡಗಿನ ಸಾಮರ್ಥ್ಯವನ್ನು ಮೂರನೇ ಬಾರಿ ಪರೀಕ್ಷಿಸಲಾಯಿತು. ನೀರಿನಡಿಯಿಂದ ಈ ಹಡಗಿನ ಮೇಲೆ 20 ಟನ್‌ ಸ್ಫೋಟಕಗಳನ್ನು ಪ್ರಯೋಗಿಸಲಾಗಿದ್ದು, ಆ ಸ್ಫೋಟದ ಹೊರತಾಗಿಯೂ ಈ ಹಡುಗು ಧ್ವಂಸ ಗೊಂಡಿಲ್ಲ, ಮುಕ್ಕಾಗಿಲ್ಲ. ಅಷ್ಟೇ ಅಲ್ಲ, ಹಡಗಿನ ಒಳಗೆ ಇಡಲಾಗಿದ್ದ ವಸ್ತುಗಳಿಗೂ ಹಾನಿಯಾಗಿಲ್ಲ! ಸ್ಫೋಟದ ನಡುವೆಯೂ ಈ ಹಡಗು ತನ್ನ ಕಾರ್ಯಾಚರಣೆಯನ್ನು ಮುಂದುವರಿಸಿಟz ಎಂದು ಅಮೆರಿಕ ನೌಕಾಪಡೆ ಪ್ರಕಟಿಸಿದೆ.

ಈ ಹಿಂದೆ, ಇಂಥದ್ದೇ ಪರೀಕ್ಷೆಗಳನ್ನು ಜು. 16, ಜು. 18ರಂದು ನಡೆಸಲಾಗಿತ್ತು. ಅವೂ ಸೇರಿದಂತೆ ಈವರೆಗೆ ಈ ಹಡಗಿನ ಮೇಲೆ ಸುಮಾರು 18,143 ಕಿ.ಗ್ರಾಂ.ಗಳ ಸ್ಫೋಟಕ ಗಳಿಂದ ದಾಳಿ ಮಾಡಲಾಗಿದೆ. ಆದರೂ, ಹಡಗಿಗೆ ಯಾವುದೇ ಧಕ್ಕೆಯಾಗಿಲ್ಲ ಎಂದು ಅಮೆರಿಕ ನೌಕಾಪಡೆ ತಿಳಿಸಿದೆ.