ಎಚ್‌-1ಬಿ ವೀಸಾದಾರರ ಸಂಗಾತಿಗೂ ಉದ್ಯೋಗ ಪರವಾನಿಗೆ

ವಾಷಿಂಗ್ಟನ್‌: ಅಮೆರಿಕ ಸರಕಾರ ಎಚ್‌-1ಬಿ ವೀಸಾ ಹೊಂದಿರುವ ವ್ಯಕ್ತಿಗಳ ಸಂಗಾತಿ (ಪತಿ/ಪತ್ನಿ)ಗಳಿಗೆ  ಸ್ವಯಂ ಚಾಲಿತವಾಗಿ ಉದ್ಯೋಗ ಪರವಾನಿಗೆಯನ್ನು ಒದಗಿಸಲು ಒಪ್ಪಿಗೆ ಸೂಚಿಸಿದೆ.

ಎಚ್‌-1ಬಿ ವೀಸಾ ಹೊಂದಿರುವ ವ್ಯಕ್ತಿಗಳ ಸಂಗಾತಿಗಳಿಗೆ ಅಮೆರಿಕದಲ್ಲಿ ಉದ್ಯೋಗ ಮಾಡಲು ಎಚ್‌-4 ವೀಸಾ ನೀಡಲಾಗುತ್ತಿತ್ತು. ಆದರೆ ಅಮೆರಿಕದ ಪೌರತ್ವ ಮತ್ತು ವಲಸೆ ಸೇವೆಗಳ ಇಲಾಖೆಯು ಈ ಅನುಕೂಲತೆ ಸಿಗದಂತೆ ನಿರ್ಬಂಧ ಹೇರಿದ್ದಲ್ಲದೆ ನವೀಕರಣಕ್ಕೆ ಕಾಯುವಂತೆ ಮಾಡಿತ್ತು. ಇದರಿಂದ ವೀಸಾದಾರರು ಸಕಾರಣವಿಲ್ಲದೆ ತಮ್ಮ ಉದ್ಯೋಗಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಈಡಾಗಿದ್ದರು.

ಇದನ್ನು ಪ್ರಶ್ನಿಸಿ ಅಮೆರಿಕದ ವಲಸೆ ವಕೀಲರ ಸಂಘವು ಕೋರ್ಟ್‌ ಮೆಟ್ಟಿಲೇರಿತ್ತು. ಈಗ ಸಂಘಕ್ಕೆ ಗೆಲುವು ಸಿಕ್ಕಿದೆ.