ಊರ್ಮಿಳಾರನ್ನು ಬಲಿ ನೀಡಿದ ನಿರುಪಮ್‌: ಗೋಪಾಲ್‌ ಶೆಟ್ಟಿ

ಮುಂಬಯಿ: ಕಾಂಗ್ರೆಸ್‌ ಮುಂಬಯಿ ಘಟಕದ ಮಾಜಿ ಅಧ್ಯಕ್ಷ ಸಂಜಯ್‌ ನಿರುಪಮ್‌ ಅವರು, ಉತ್ತರ ಮುಂಬಯಿ ಕಾಂಗ್ರೆಸ್‌ ಅಭ್ಯರ್ಥಿ ಊರ್ಮಿಳಾ ಮಾತೋಂಡ್ಕರ್‌ ಅವರನ್ನು ಸಿಲುಕಿಸಿದ್ದಾರೆಂದು ಬಿಜೆಪಿಯ ಅಭ್ಯರ್ಥಿ ಗೋಪಾಲ್‌ ಶೆಟ್ಟಿ ಅವರು ಹೇಳಿದ್ದಾರೆ.

ಸಂಜಯ್‌ ನಿರುಪಮ್‌ ಅವರು ಸ್ವಂತ ಲಾಭಕ್ಕಾಗಿ ಊರ್ಮಿಳಾ ಮಾತೋಂಡ್ಕರ್‌ ಅವರನ್ನು ಬಲಿ ನೀಡಿದ್ದಾರೆ. ಆದರೆ ಊರ್ಮಿಳಾ ಮಾತೋಂಡ್ಕರ್‌ ಹಾಗೂ ಸಂಜಯ್‌ ನಿರುಪಮ್‌ ಇಬ್ಬರಿಗೂ ಹೊಡೆತ ಬೀಳಲಿದೆ. ನನ್ನ ಸ್ಪರ್ಧೆ ಊರ್ಮಿಳಾ ಅವರ ಜತೆ ಅಲ್ಲ. ನನ್ನ ಸ್ಪರ್ಧೆ ಇರುವುದು ಕಾಂಗ್ರೆಸ್‌ ಜತೆ. ಊರ್ಮಿಳಾ ನನ್ನ ಸಹೋದರಿಯಂತೆ ಎಂದು ಗೋಪಾಲ್‌ ಶೆಟ್ಟಿ ಹೇಳಿದ್ದಾರೆ.

2014ರ ಲೋಕಸಭೆಯಲ್ಲಿ ಉತ್ತರ ಮುಂಬಯಿಯಿಂದ ಮೊದಲ ಬಾರಿ ಗೋಪಾಲ್‌ ಶೆಟ್ಟಿ ಅವರು ಸಂಸದರಾದರು. ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಸ್ಫರ್ಧಿಸಿದ ಸಂಜಯ್‌ ನಿರುಪಮ್‌ ಅವರು ಭಾರೀ ಅಂತರದಿಂದ ಸೋಲು ಅನುಭವಿಸಿದರು.