‘ಕಬ್ಜ’ ಶೂಟಿಂಗ್‌ಗೆ ಉಪೇಂದ್ರ ರೆಡಿ

ನಿರ್ದೇಶಕ ಆರ್‌. ಚಂದ್ರು ಮತ್ತೆ ರೆಡಿಯಾಗಿದ್ದಾರೆ. ಅದು “ಕಬ್ಜ’ಕ್ಕಾಗಿ. ಶೆಡ್ಯೂಲ್‌  ಬ್ರೇಕ್‌ ಆಗಿದ್ದ “ಕಬ್ಜ’ ಚಿತ್ರ ಈಗ ಮತ್ತೆ ಚಿತ್ರೀಕರಣಕ್ಕೆ ಅಣಿಯಾಗಿದೆ. ಫೆ.25ರಿಂದ ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆ.

ಇದಕ್ಕಾಗಿ ನಾಲ್ಕು ಸೆಟ್‌ ಗಳನ್ನು ಮಾಡಲಾಗುತ್ತಿದ್ದು, ಫೆ.10ರಂದು ಸೆಟ್‌ ಪೂಜೆ ನಡೆಸಲು ನಿರ್ದೇಶಕ, ನಿರ್ಮಾಪಕ ಆರ್.ಚಂದ್ರು ತಯಾರಿ ನಡೆಸಿದ್ದಾರೆ. “ಕಬ್ಜ’ ಒಂದು 80ರ ದಶಕದಲಿ ನಡೆಯುವ ಅಂಡರ್‌ ವರ್ಲ್ಡ್ ಹಿನ್ನೆಲೆಯ ಸಿನಿಮಾವಾಗಿದ್ದು, ಈಗಾಗಲೇ ಈ ಸಿನಿಮಾದ ಮೇಲೆ ಕುತೂಹಲ ಹೆಚ್ಚಿದೆ.

ಇದನ್ನೂ ಓದಿ: 3ಡಿಯಲ್ಲಿ ಬರಲಿದೆ ವಿಕ್ರಾಂತ್‌ ರೋಣ: ಚಿತ್ರದ ಬಗ್ಗೆ  ಕಿಚ್ಚ ಸುದೀಪ್‌ ಮಾತು

ಇತ್ತೀಚೆಗಷ್ಟೇ ಚಿತ್ರತಂಡಕ್ಕೆ ಕಿಚ್ಚ ಸುದೀಪ್‌ ಸೇರ್ಪಡೆ ಯಾಗಿದ್ದಾರೆ. ಈ ಮೂಲಕ “ಕಬ್ಜ’ದ ಕ್ರೇಜ್‌ ಮತ್ತಷ್ಟು ಹೆಚ್ಚಾಗಿದೆ. ಇದೊಂದು ಪ್ಯಾನ್‌ ಇಂಡಿಯಾ ಸಿನಿಮಾವಾ ಗಿದ್ದು, ಏಳು ಭಾಷೆಯಲ್ಲಿ ಬಿಡುಗಡೆ ಮಾಡಲು ಚಂದ್ರು ಪ್ಲ್ರಾನ್‌ ಮಾಡಿಕೊಂಡಿದ್ದಾರೆ. ಚಿತ್ರಕ್ಕೆ ನಾಯಕಿಯ ಆಯ್ಕೆ ಇನ್ನಷ್ಟೇ ನಡೆಯಬೇಕಿದೆ.