UP YouTuber ಮನೆ ಮೇಲೆ ಐಟಿ ದಾಳಿ; ವಿಡಿಯೋಗಳ ಮೂಲಕ 1 ಕೋಟಿ ರೂ.ಗಳಿಕೆ

ಹೊಸದಿಲ್ಲಿ: ಆದಾಯ ತೆರಿಗೆ ಇಲಾಖೆಯು ಉತ್ತರ ಪ್ರದೇಶದ ಬರೇಲಿಯ ಯೂಟ್ಯೂಬರ್ ತಸ್ಲೀಂ ಎನ್ನುವವರ ಮನೆ ಮೇಲೆ ದಾಳಿ ನಡೆಸಿದಾಗ 24 ಲಕ್ಷ ರೂ. ನಗದು ಪತ್ತೆಯಾಗಿದೆ.

ತಸ್ಲೀಂ ಅವರು ಕೆಲ ವರ್ಷಗಳಿಂದ ಯೂಟ್ಯೂಬ್ ಚಾನೆಲ್ ನಡೆಸುತ್ತಿದ್ದು, ಸುಮಾರು1 ಕೋಟಿ ರೂ. ಆದಾಯ ಗಳಿಸಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಯೂಟ್ಯೂಬರ್ ಕಾನೂನುಬಾಹಿರ ವಿಧಾನಗಳ ಮೂಲಕ ಹಣ ಸಂಪಾದಿಸಿದ್ದಾರೆ ಎಂದು ಆರೋಪಿಸಲಾಗಿದ್ದು, ಕುಟುಂಬ ಅದನ್ನು ನಿರಾಕರಿಸಿದೆ.

ಯುಪಿಯ ಲ್ಲಿ ಉಳಿದುಕೊಂಡಿರುವ ತಸ್ಲೀಮ್, ಷೇರು ಮಾರುಕಟ್ಟೆಗೆ ಸಂಬಂಧಿಸಿದ ವೀಡಿಯೊಗಳನ್ನು ಮಾಡುತ್ತಾನೆ ಮತ್ತು ತನ್ನ ಆದಾಯದ ಮೇಲೆ ಆದಾಯ ತೆರಿಗೆಯನ್ನು ಸಹ ಪಾವತಿಸುತ್ತಾನೆ ಎಂದು ಅವನ ಸಹೋದರ ಹೇಳಿಕೊಂಡಿದ್ದಾನೆ. ತನ್ನ ಸಹೋದರ ಯೂಟ್ಯೂಬ್ ಖಾತೆ ‘ಟ್ರೇಡಿಂಗ್ ಹಬ್ 3.0’ ಅನ್ನು ನಿರ್ವಹಿಸುತ್ತಾನೆ ಎಂದು ಫಿರೋಜ್ ಹೇಳಿದ್ದಾರೆ.

ಯೂಟ್ಯೂಬ್‌ನ ಒಟ್ಟು ಆದಾಯ 1.2 ಕೋಟಿರೂ.ಗಿಂತ ಹೆಚ್ಚಿದ್ದು, ತಸ್ಲೀಂ ಈಗಾಗಲೇ 4 ಲಕ್ಷ ರೂ. ತೆರಿಗೆ ಪಾವತಿಸಿದ್ದು, ನಾವು ಯಾವುದೇ ತಪ್ಪು ಕೆಲಸ ಮಾಡುವುದಿಲ್ಲ. ನಾವು ನಮ್ಮ ಯೂಟ್ಯೂಬ್ ಚಾನೆಲ್ ಅನ್ನು ನಡೆಸುತ್ತೇವೆ, ಇದರಿಂದ ನಾವು ಉತ್ತಮ ಆದಾಯವನ್ನು ಗಳಿಸುತ್ತೇವೆ, ಇದು ಸತ್ಯ. ಈ ದಾಳಿ ಯೋಜಿತ ಪಿತೂರಿಯಾಗಿದೆ” ಎಂದು ಸಹೋದರ ಫಿರೋಜ್ ಹೇಳಿದರು. ತನ್ನ ಮಗನನ್ನು ತಪ್ಪಾಗಿ ಬಿಂಬಿಸಲಾಗುತ್ತಿದೆ ಎಂದು ತಸ್ಲೀಮ್ ತಾಯಿ ಕೂಡ ಹೇಳಿಕೊಂಡಿದ್ದಾರೆ.