ಉ.ಪ್ರ : ಜುಲೈ 5ರಿಂದ  ಸಿನೆಮಾ ಮಂದಿರ, ಮಲ್ಟಿಫ್ಲೆಕ್ಸ್, ಸ್ಟೇಡಿಯಂಗಳಿಗೆ ತೆರೆಯಲು ಅನುಮತಿ

ಲಕ್ನೋ : ಕೋವಿಡ್ ಸಂಖ್ಯೆ ಇಳಿಮುಖವಾಗುತ್ತಿರುವ ಹಿನ್ನೆಲೆಯಲ್ಲಿ ಯೋಗಿ ಆದಿತ್ಯನಾಥ್ ನೇತೃತ್ವದ ಸರ್ಕಾರ ಇನ್ನೊಂದು ಹಂತದ ಅನ್ ಲಾಕ್ ಮಾಡಿ ಇಂದು (ಶುಕ್ರವಾರ, ಜುಲೈ 2) ಘೋಷಣೆ ಮಾಡಿದೆ.

ಯೋಗಿ ನೇತೃತ್ವದಲ್ಲಿ ನಡೆದ ಉನ್ನತ ಮಟ್ಟದ 9 ನೇ ಸಭೆ ನಡೆದಿದ್ದು, ಕೋವಿಡ್ ಸೋಂಕಿನಿಂದ ಸಿನೆಮೋದ್ಯಮಗಳು ಸೇರಿ ಕೆಲವು ಕ್ಷೇತ್ರಗಳು ಗಂಭೀರವಾಗಿ ಸಮಸ್ಯೆಗೆ ಸಿಲುಕಿವೆ. ಆ ಸಮಸ್ಯೆಯನ್ನು ಕೊಂಚ ಮಟ್ಟಿಗೆ ನಿವಾರನೆ ಮಾಡುವ ಉದ್ದೇಶದಿಂದ ಸಿನೆಮಾ ಮಂದಿರ, ಮಲ್ಟಿ ಫ್ಲೆಕ್ಸ್, ಸ್ಟೇಡಿಯಂ ಗಳಿಗೆ ಈ ಹಿಂದೆ ಇದ್ದ ಕೋವಿಡ್ 19 ನಿಯಮಗಳನ್ನು ಸಡಿಲಿಕೆ ಮಾಡಿ ಜುಲೈ 5 ರಿಂದ (ಸೋಮವಾರ) ತೆರೆಯಲು ಅವಕಾಶ ನೀಡಲು ನಿರ್ಧಾರ ಮಾಡಿದೆ.

ಇದನ್ನೂ ಓದಿ : ಐರೋಪ್ಯ ಒಕ್ಕೂಟದ ನೆದರ್ ಲ್ಯಾಂಡ್ ನಲ್ಲಿಯೂ ಭಾರತದ ಕೋವಿಶೀಲ್ಡ್ ಗ್ರೀನ್ ಪಾಸ್ ಗೆ ಸೇರ್ಪಡೆ  

ಕೋವಿಡ್ ಸೋಂಕು ಇನ್ನೂ ಪೂರ್ಣವಾಗಿ ನಿವಾರಣೆಯಾಗದ ಹಿನ್ನೆಲೆಯಲ್ಲಿ ಮುಂಜಾಗೃತ ವಹಿಸುವಂತೆ ಅಲ್ಲಿನ ಸರ್ಕಾರ ಕೆಲವು ಮಾರ್ಗ ಸೂಚಿಗಳನ್ನು ಕೂಡ ನೀಡಿದೆ.

ಸಿನೆಮಾ ಮಂದಿರಗಳಲ್ಲಿ ಯಾವುದೇ ರೀತಿಯಲ್ಲಿ ಪ್ಯಾಕೇಟ್ ಮಾಡಿದ ಆಹಾರೋತ್ಪನ್ನಗಳನ್ನು ಹೊರತಾಗಿ ಬೇರೆ ಯಾವ ಆಹಾರಗಳಿಗೆ ಅನುಮತಿ ನೀಡಿಲ್ಲ. ಹಾಗೂ ಸಿನೆಮಾ ಟಿಕೆಟ್ ಗಳನ್ನು ಆನ್ ಲೈನ್ ನಲ್ಲಿಯೇ ನೀಡುವಂತೆಯೇ ಸಿನೆಮಾ ಮಂದಿರಗಳ ಮಾಲೀಕರಿಗೆ ಅಲ್ಲಿನ ಸರ್ಕಾರ ಸೂಚಿಸಿದೆ.

ಇನ್ನು, ಸಿನೆಮಾ ಮಂದಿರಗಳಲ್ಲಿ  ಸ್ಯಾನಿಟೈಸರ್ ಹಾಗೂ ಮಾಸ್ಕ್,  ಕಡ್ಡಾಯವಾಗಿ ಪಾಲಿಸಬೇಕೆಂದು ಆದೇಶ ಹೊರಡಿಸಿದೆ.

ಇದನ್ನೂ ಓದಿ : ಕೋವಿಡ್ ವಿರುದ್ಧದ ಹೋರಾಟದ ಸಂದರ್ಭದಲ್ಲಿ ಕೆಳ ಮಟ್ಟದ ರಾಜಕೀಯ ಮಾಡಬೇಡಿ : ಗೋಯಲ್ ಕಿಡಿ