ಒಂದೇ ಕುಟುಂಬದ ಮೂವರ ಅಸಹಜ ಮೃತ್ಯು; ಬೀಚ್ ಬಳಿ ಎರಡು ದೇಹ ಪತ್ತೆ

 ಕಾರವಾರ: ಜಿಲ್ಲಾ ಕೇಂದ್ರಕ್ಕೆ ಸಮೀಪದ ದೇವಭಾಗ ಬೀಚ್ ನಲ್ಲಿ ಒಂದು ಮಗು ಹಾಗೂ ಮಹಿಳೆಯ ಶವ ಪತ್ತೆಯಾಗಿದೆ. ಹಾಗೂ ಗೋವಾಗ ಕುಕ್ಕಳ್ಳಿ ಸಮೀಪ ಪಾಡಿ ಎಂಬಲ್ಲಿ ವ್ಯಕ್ತಿಯೋರ್ವರು ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಈ ಮೂವರು ಒಂದೇ ಕುಟುಂಬದ ಸದಸ್ಯರೆಂದು ತಿಳಿದು ಬಂದಿದೆ. ಮೃತಪಟ್ಟರನ್ನು ಶಾಮ್ ಪಾಟೀಲ್ (48), ಜ್ಯೋತಿ (35), ಅವರ ಮಗ ದಕ್ಷ (12) ಎಂದು ಗುರುತಿಸಲಾಗಿದೆ. ಇವರ ಸಾವಿಗೆ ನಿಖರ ಕಾರಣ ತಿಳಿದು ಬಂದಿಲ್ಲ.

ಶಾಮ್ ಗೋವಾದಲ್ಲಿ ಶಾಮ್ ಇಂಡಸ್ಟ್ರಿ ನಡೆಸುತ್ತಿದ್ದರು ಎನ್ನಲಾಗಿದೆ. ವ್ಯವಹಾರದಲ್ಲಿ ನಷ್ಟ ಸಂಭವಿಸಿರಬಹದು ಎಂದು ಅಂದಾಜಿಸಲಾಗಿದೆ. ಪತ್ನಿ ಹಾಗೂ ಮಗುವನ್ನು ಕಾಳಿ ನದಿಗೆ ತಳ್ಳಿ , ನಂತರ ಗೋವಾದ ( ಕಾರವಾರ ಗಡಿಭಾಗದ ಹಳ್ಳಿ) ಕುಕ್ಕಳ್ಳಿಯಲ್ಲಿ ಆತ್ಮಹತ್ಯೆ ಗೆ ಶಾಮ್ ಪಾಟೀಲ್ ಶರಣಾಗಿರಬಹುದು ಎನ್ನಲಾಗಿದೆ. ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ‌ ದಾಖಲಾಗಿದೆ.‌ ಶವಗಳನ್ನು ಕಾರವಾರ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ಶವ ಪರೀಕ್ಷೆಗೆ ಕಳುಹಿಸಲಾಗಿದೆ. ತನಿಖೆಯನ್ನು ಚಿತ್ತಾಕುಲಾ ಪೊಲೀಸರು ಮುಂದುವರೆಸಿದ್ದಾರೆ.