ಲಕ್ನೋ: ಪತ್ನಿಗೆ ಕಚ್ಚಿದ ಹಾವನ್ನು ಹಿಡಿದ ಪತಿಯು, ಪತ್ನಿಯೊಂದಿಗೆ ಅದನ್ನೂ ಆಸ್ಪತ್ರೆಗೆ ಕರೆದೊಯ್ದಿರುವ ವಿಚಿತ್ರ ಘಟನೆ ಉತ್ತರ ಪ್ರದೇಶದ ಉನ್ನಾವ್‌ ಜಿಲ್ಲೆಯಲ್ಲಿ ನಡೆದಿದೆ.
ರಾಮ್‌ದೇವ್‌ ಯಾದವ್‌ ಅವರ ಪತ್ನಿಗೆ ಶುಕ್ರವಾರ ಬೆಳಗ್ಗೆ ಮನೆಯೊಳಗೇ ಹಾವೊಂದು ಕಚ್ಚಿದೆ.
ತಕ್ಷಣ ಆ ಹಾವನ್ನು ಹಿಡಿದಿರುವ ರಾಮ್‌ದೇವ್‌, ಅದನ್ನು ಬಾಟಲಿಯೊಂದರಲ್ಲಿ ತುಂಬಿಕೊಂಡು, ಪತ್ನಿಯೊಂದಿಗೆ ಅದನ್ನೂ ಆಸ್ಪತ್ರೆಗೆ ಕರೆದೊಯ್ದಿದ್ದಾನೆ.
ಆಸ್ಪತ್ರೆ ಸಿಬ್ಬಂದಿ ಪ್ರಶ್ನಿಸಿದಾಗ, “ನೀವು ಯಾವ ರೀತಿಯ ಹಾವು ಕಚ್ಚಿತೆಂದು ಪ್ರಶ್ನಿಸಿದರೆ ತೋರಿಸೋಣ ಎಂದು ತಂದಿದ್ದೇನೆ’ ಎಂದಿದ್ದಾನೆ.
ಇದನ್ನೂ ಓದಿ:ರಾ ಮುಖ್ಯಸ್ಥ ಸಮಂತ್ ಅಧಿಕಾರಾವಧಿ ವಿಸ್ತರಣೆ, ತಪನ್ ಡೇಕಾ ನೂತನ ಐಬಿ ನಿರ್ದೇಶಕ
ಸದ್ಯ ಪತ್ನಿಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಆಕೆ ಡಿಸ್ಚಾರ್ಜ್ ಆದ ನಂತರ ಹಾವನ್ನು ಕಾಡಿನಲ್ಲಿ ಬಿಟ್ಟುಬರುವುದಾಗಿ ಆತ ತಿಳಿಸಿದ್ದಾನೆ.
