ತಿರುನಲ್ಲೂರು ಶನೀಶ್ವರ ದೇವಸ್ಥಾನಕ್ಕೆ ಸುಶ್ಮಾ ಸ್ವರಾಜ್‌ ಭೇಟಿ

ಕಾರೈಕಲ್‌ : ವಿದೇಶ ವ್ಯವಹಾರಗಳ ಸಚಿವೆ ಸುಶ್ಮಾ ಸ್ವರಾಜ್‌ ಅವರಿಂದು ಕಾರೈಕಲ್‌ ಜಿಲ್ಲೆಯ ತಿರುನಲ್ಲಾರ್‌ ನಲ್ಲಿನ ಶನೀಶ್ವರ ದೇವಾಲಯದಲ್ಲಿ ಪೂಜೆ ಸಲ್ಲಿಸಿದರು. 

ಸುಶ್ಮಾ  ಅವರು ಪುದುಚೇರಿಯ ಕಾರೈಕಲ್‌ಗೆ ಎರಡು ದಿನಗಳ ಭೇಟಿಯಲ್ಲಿದ್ದಾರೆ. ನಿನ್ನೆ ಶುಕ್ರವಾರ ಅವರು ಇಲ್ಲಿ ದೇಶದ 60ನೇ ಅಂಚೆ ಕಚೇರಿ ಪಾಸ್‌ ಪೋರ್ಟ್‌ ಸೇವಾ ಕೇಂದ್ರವನ್ನು ಉದ್ಘಾಟಿಸಿದರು. 

ಸುಶ್ಮಾ ಅವರೊಂದಿಗೆ ಪುದುಚೇರಿಯ ಮುಖ್ಯಮಂತ್ರಿ ವಿ ನಾರಾಯಣಸ್ವಾಮಿ ಅವರೂ ಇದ್ದರು. ತಿರುನಲ್ಲೂರು ದೇವಳದಲ್ಲಿ ನಡೆಯುತ್ತಿದ್ದ ವಿಶೇಷ ಯಾಗದಲ್ಲಿ ಇಂದು ಬೆಳಗ್ಗೆ ಭಾಗವಹಿಸಿದ ಸುಶ್ಮಾ ಆ ಬಳಿಕ ಶನೀಶ್ವರನಿಗೆ ನಡೆದ ತೈಲಾಭಿಷೇಕವನ್ನು ವೀಕ್ಷಿಸಿದರು.