Live Update: 2021ರ ಕೇಂದ್ರ ಬಜೆಟ್ ಮಂಡನೆ: ರೈಲ್ವೆಗೆ 1,10,055 ಕೋಟಿ

ನವದೆಹಲಿ:ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಸೋಮವಾರ (ಫೆ.1, 2021) ಕೇಂದ್ರ ಬಜೆಟ್ ಮಂಡಿಸಲಿದ್ದು, ಇದು ಹಿಂದೆಂದೂ ಕಂಡರಿಯದಂಥ ಬಜೆಟ್ ಇದಾಗಿರಲಿದೆ ಎಂದು ಘೋಷಿಸಿದ್ದು, ಕಂಗಾಲಾದ ಆರ್ಥಿಕತೆಗೆ “ಲಸಿಕೆ” ನೀಡುವ ನಿರೀಕ್ಷೆ ಹುಟ್ಟಿಸಿದ್ದಾರೆ.

ಸಚಿವಾಲಯದಿಂದ ನಿರ್ಮಲಾ ಸೀತಾರಾಮನ್ ನಿರ್ಗಮಿಸಿದ್ದು, ಅವರು 11ಗಂಟೆಗೆ ಲೋಕಸಭೆಯಲ್ಲಿ 2021-22ರ ಸಾಲಿನ ಬಜೆಟ್ ಮಂಡಿಸಲಿದ್ದಾರೆ. ಕೋವಿಡ್ ಸೋಂಕಿನ ಹಿನ್ನೆಲೆಯಲ್ಲಿ ಪ್ರಥಮ ಬಾರಿಗೆ ಬಜೆಟ್ ಅನ್ನು ಕಾಗದ ರಹಿತವಾಗಿ ಮಂಡಿಸಲಾಗುತ್ತಿದೆ.

*ಇಂದು ಬೆಳಗ್ಗೆ 11 ಗಂಟೆಗೆ ಬಜೆಟ್‌ ಮಂಡನೆ

*ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ಮಂಡಿಸುತ್ತಿರುವ

ಸತತ 3ನೇ ಬಜೆಟ್‌

*ಇದು ಮೋದಿ ನೇತೃತ್ವದ ಸರ್ಕಾರದ 9ನೇ ಬಜೆಟ್‌

ನಿರೀಕ್ಷೆಗಳೇನು?
*ಉದ್ಯೋಗಾವಕಾಶ ಸೃಷ್ಟಿಗೆ ಒತ್ತು, ಗ್ರಾಮೀಣಾಭಿವೃದ್ಧಿಗೆ ಆದ್ಯತೆ
*ಅಭಿವೃದ್ಧಿ ಯೋಜನೆಗಳಿಗೆ ಹೆಚ್ಚಿನ ಅನುದಾನ. ವಿದೇಶಿ ಹೂಡಿಕೆ ಆಕರ್ಷಿಸುವ ನಿಟ್ಟಿನಲ್ಲಿ ಈಗಿರುವ ನಿಯಮಗಳ ಸಡಿಲಿಕೆ
*ತೆರಿಗೆದಾರರ ಖರೀದಿ ಸಾಮರ್ಥ್ಯ ಹೆಚ್ಚಳಕ್ಕೆ ಕ್ರಮ

ಈ ಬಾರಿಯ ವೈಶಿಷ್ಟ್ಯ?

*ಮೊದಲ ಬಾರಿಗೆ ಬಜೆಟ್‌ ಪ್ರತಿಗಳ ಮುದ್ರಣವಿಲ್ಲ.

*ಮುಂಗಡ ಪತ್ರದ ಎಲ್ಲ ಅಂಶಗಳೂ “ಯೂನಿಯನ್‌ ಬಜೆಟ್‌ ಆ್ಯಪ್‌’ನಲ್ಲಿ ಲಭ್ಯ.

2021-22ನೇ ಸಾಲಿನ ಕೇಂದ್ರ ಬಜೆಟ್ ನ ಕ್ಷಣ, ಕ್ಷಣದ ಮಾಹಿತಿ ಇಲ್ಲಿದೆ…