ಕೃಷಿಗೆ ಬಜೆಟ್‌ ಬಲ ನಿರೀಕ್ಷೆ

ಹೊಸದಿಲ್ಲಿ: ಫೆ.1ರಂದು ಮಂಡಿಸಲಾಗುವ ಬಜೆಟ್‌ನಲ್ಲಿ ಕೇಂದ್ರ ಸರಕಾರವು ಕೃಷಿ ವಲಯದ ಮೂಲಸೌಕರ್ಯ ಅಭಿವೃದ್ಧಿಗೆ ಹೆಚ್ಚಿನ ಮೊತ್ತ ಮೀಸಲಿಡಬಹುದು ಎಂಬ ನಿರೀಕ್ಷೆ ಮೂಡಿದೆ.

ಈಗಾಗಲೇ ಕೇಂದ್ರ ಸರಕಾರವು ರೈತರ ಆದಾಯವನ್ನು ದ್ವಿಗುಣಗೊಳಿಸುವ ಗುರಿಯನ್ನು ಹಾಕಿಕೊಂಡಿರುವುದಾಗಿ ಹೇಳಿಕೊಂಡೇ ಬಂದಿದೆ. ಅದರಂತೆ ಈ ಉದ್ದೇಶ ಸಾಧಿಸ ಬೇಕೆಂದರೆ ಕೃಷಿ ಕ್ಷೇತ್ರದ ಮೂಲಸೌಕರ್ಯ ಅಭಿವೃದ್ಧಿ, ರೈತ ಸಮೂಹವನ್ನು ಬಲಿಷ್ಠ ಗೊಳಿಸುವಿಕೆ, ಆಹಾರ ಸಂಸ್ಕೃ ರಣೆ ಮತ್ತಿತರ ವಿಚಾರಗಳ ಮೇಲೆ ಗಮನ ಕೇಂದ್ರೀಕರಿಸಬೇಕಾಗುತ್ತದೆ.

ಈ ಹಿಂದೆಯೇ ಘೋಷಿಸಲಾದ 10 ಸಾವಿರ ಹೊಸ ರೈತ ಉತ್ಪಾದಕರ ಸಂಸ್ಥೆಗಳು(ಎಫ್ಪಿಒ) ನಾಯಕತ್ವ, ಸಾಮರ್ಥ್ಯ ಮತ್ತು ಪರಿಣಾಮಕಾರಿ ಮೂಲಸೌಕರ್ಯದ ಕೊರತೆಯಿಂದ ಬಳಲು ತ್ತಿವೆ. ಹೀಗಾಗಿ ಪ್ರಸ್ತುತ ರಚನೆಯಾಗಿರುವ ಈ ಸಂಸ್ಥೆಗಳನ್ನು ಬಲಿಷ್ಟಗೊಳಿಸಲು ಸೂಕ್ತ  ಹಣಕಾ ಸಿನ ನೆರವು ನೀಡುವತ್ತ, ಮಾರುಕಟ್ಟೆಯೊಂದಿಗೆ ಸಣ್ಣ ರೈತರು ಸಂಪರ್ಕ ಸಾಧಿಸಲು ಅಗತ್ಯವಾದ ಇನ್ನಷ್ಟು ಎಫ್ಪಿಒಗಳನ್ನು ರಚಿಸುವತ್ತ ಸರಕಾರ ಹೆಜ್ಜೆ ಹಾಕಬೇಕು ಎಂದು ತಜ್ಞರು ಅಭಿ ಪ್ರಾಯಪಟ್ಟಿದ್ದಾರೆ.

2021ರ ವಿತ್ತ ವರ್ಷದಲ್ಲಿ ಕೃಷಿ ಕ್ಷೇತ್ರಕ್ಕೆ 2 ಲಕ್ಷ ಕೋಟಿ ರೂ.ಗಳನ್ನು ಮೀಸಲಿಡಲಾಗಿತ್ತು.

ಆರೋಗ್ಯ, ಶಿಕ್ಷಣ ಸೆಸ್‌ ಶೇ.2ರಷ್ಟು ಏರಿಕೆ? :

ಬಜೆಟ್‌ನಲ್ಲಿ ಆರೋಗ್ಯ ಮತ್ತು ಶಿಕ್ಷಣ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಶೇ.2ರ ವರೆಗೆ ಸೆಸ್‌ ಹೆಚ್ಚಿ ಸಲು  ವಿಧಿಸಲು ಕೇಂದ್ರ ಸರಕಾರ ಚಿಂತನೆ ನಡೆಸುತ್ತಿದೆ. ವಿತ್ತ ಸಚಿವಾಯ ಮತ್ತು ಕಂದಾಯ ವಿಭಾಗ ಈ ಬಗ್ಗೆ ಪರಾಮರ್ಶೆ ನಡೆಸುತ್ತಿದೆ. ಸದ್ಯ ಆರೋಗ್ಯ ಕ್ಷೇತ್ರದ ಮೇಲೆ ಶೇ.4 ಸೆಸ್‌ ವಿಧಿಸಲಾಗುತ್ತಿದೆ. ಎರಡೂ ಕ್ಷೇತ್ರಗಳಿಂದ 30 ಸಾವಿರ ಕೋಟಿ ರೂ. ಬೊಕ್ಕಸಕ್ಕೆ ಬರುತ್ತದೆ.