ರಾಜಕಾರಣಿಗಳು, ಜಡ್ಜ್ ಗಳ ಹತ್ಯೆಗೆ ಶಕೀಲ್‌ ಸಂಚು?

ಹೊಸದಿಲ್ಲಿ: ಭೂಗತ ಪಾತಕಿ ಛೋಟಾ ಶಕೀಲ್‌ ದಿಲ್ಲಿಯಲ್ಲಿರುವ ಪ್ರಮುಖ ರಾಜಕೀಯ ನಾಯಕರು ಹಾಗೂ ನ್ಯಾಯಮೂರ್ತಿಗಳನ್ನು ಹತ್ಯೆಗೈಯ್ಯಲು ಸಂಚು ರೂಪಿಸಿದ್ದ ಎಂಬ ಸುಳಿವು ಸಿಕ್ಕಿದ ಹಿನ್ನೆಲೆಯಲ್ಲಿ, ಆತನ ವಿರುದ್ಧ ದಿಲ್ಲಿ ಪೊಲೀಸರ ವಿಶೇಷ ಘಟಕ ಶುಕ್ರವಾರ ಎಫ್ಐಆರ್‌ ದಾಖಲಿಸಿದೆ.

ಶಕೀಲ್‌ನ ಹಿಟ್‌ಲಿಸ್ಟ್‌ನಲ್ಲಿ ಅನೇಕ ನಾಯಕರು, ಜಡ್ಜ್ ಗಳಿದ್ದರು. ಅವರ ಹತ್ಯೆಗಾಗಿ ಆತ ಉನ್ನತ ದರ್ಜೆಯ ಶಸ್ತ್ರಾಸ್ತ್ರಗಳನ್ನು ಖರೀದಿಸಿ, ಅದನ್ನು ಸಹಚರರಿಗೆ ಹಂಚಿದ್ದ. ಈ ಕುರಿತ ವಾಟ್ಸ್‌ಆ್ಯಪ್‌ ಸಂದೇಶವೊಂದರ ಆಧಾರದಲ್ಲಿ ಆತನ ವಿರುದ್ಧ ಎಫ್ಐಆರ್‌ ದಾಖಲಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.