ನಮೀಬಿಯಾ ಪರಾಜಯ

ಕ್ವೀನ್ಸ್‌ಟೌನ್‌: ನಮೀಬಿಯಾವನ್ನು 8 ವಿಕೆಟ್‌ಗಳಿಂದ ಸೋಲಿಸಿದ ಇಂಗ್ಲೆಂಡ್‌ ಶುಭಾರಂಭ ಮಾಡಿದೆ. ಕ್ವೀನ್ಸ್‌ಟೌನ್‌ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ನಮೀಬಿಯಾ 9 ವಿಕೆಟ್‌ ನಷ್ಟಕ್ಕೆ 196 ರನ್‌ ಮಾಡಿದರೆ, ಇಂಗ್ಲೆಂಡ್‌ ಕೇವಲ 24.1 ಓವರ್‌ಗಳಲ್ಲಿ 2 ವಿಕೆಟಿಗೆ 198 ರನ್‌ ಬಾರಿಸಿ ಗೆದ್ದು ಬಂತು.

ಇಂಗ್ಲೆಂಡ್‌ ನಾಯಕ ಹ್ಯಾರಿ ಬ್ರೂಕ್‌ ಮತ್ತು ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ ವಿಲ್‌ ಜಾಕ್ಸ್‌ ಮುರಿಯದ 3ನೇ ವಿಕೆಟಿಗೆ 130 ರನ್‌ ಪೇರಿಸಿ ನಮೀಬಿಯಾ ದಾಳಿಯನ್ನು ಲೆಕ್ಕಕ್ಕಿಲ್ಲದಂತೆ ಮಾಡಿದರು. ಜಾಕ್ಸ್‌ 44 ಎಸೆತಗಳಿಂದ ಸರ್ವಾಧಿಕ 73 ರನ್‌ ಬಾರಿಸಿದರೆ (12 ಬೌಂಡರಿ, 1 ಸಿಕ್ಸರ್‌), ಬ್ರೂಕ್‌ 48 ಎಸೆತ ಎದುರಿಸಿ 59 ರನ್‌ ಹೊಡೆದರು (12 ಬೌಂಡರಿ). ಇಂಗ್ಲೆಂಡ್‌ ಇನ್ನಿಂಗ್ಸ್‌ ನಲ್ಲಿ ಒಟ್ಟು 31 ಬೌಂಡರಿಗಳು ದಾಖಲಾದವವು!

ಬೌಲಿಂಗಿನಲ್ಲೂ ಮಿಂಚಿದ ಬ್ರೂಕ್‌ 2 ವಿಕೆಟ್‌ ಕಿತ್ತರು. 41 ರನ್ನಿಗೆ 3 ವಿಕೆಟ್‌ ಹಾರಿಸಿದ ಲ್ಯೂಕ್‌ ಹಾಲ್‌ವುನ್‌ ಇಂಗ್ಲೆಂಡಿನ ಯಶಸ್ವಿ ಬೌಲರ್‌. ಟಾಮ್‌ ಸ್ಕ್ರಿವನ್‌ 2 ವಿಕೆಟ್‌ ಉರುಳಿಸಿದರು. ನಮೀಬಿಯಾ ಪರ ಶಾನ್‌ ಫೌಶ್‌ ಸರ್ವಾಧಿಕ 44 ರನ್‌ ಹೊಡೆದರೆ, ಕೀಪರ್‌ ಲಾಫ್ಟಿ ಈಟನ್‌ 36, ನಾಯಕ ಲೊಹಾನ್‌ ಲಾರೆನ್ಸ್‌ 24 ರನ್‌ ಮಾಡಿದರು.