ಬದಲಾಗಿದ್ದಾರೆ ಉಮ್ರಾನ್‌ ಮಲಿಕ್‌!

ಎ. 9ರಂದು ನವೀ ಮುಂಬಯಿಯಲ್ಲಿ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಹೈದರಾಬಾದ್‌ 8 ವಿಕೆಟ್‌ಗಳ ಅಧಿಕಾರಯುತ ಜಯ ಸಾಧಿಸಿತ್ತು. ಚೆನ್ನೈ 7 ವಿಕೆಟಿಗೆ 154 ರನ್‌ ಗಳಿಸಿದರೆ, ವಿಲಿಯಮ್ಸನ್‌ ಬಳಗ 17.4 ಓವರ್‌ಗಳಲ್ಲಿ ಎರಡೇ ವಿಕೆಟಿಗೆ 155 ರನ್‌ ಬಾರಿಸಿ ಗೆದ್ದು ಬಂದಿತ್ತು. ಅಭಿಷೇಕ್‌ ಶರ್ಮ 75 ರನ್‌ ಬಾರಿಸಿ ಪಂದ್ಯಶ್ರೇಷ್ಠ ಗೌರವಕ್ಕೆ ಭಾಜನರಾಗಿದ್ದರು.

ಹೈದರಾಬಾದ್‌ ಸಾಂಘಿಕ ಬೌಲಿಂಗ್‌ ಆಕ್ರಮಣ ನಡೆಸಿ ಜಡೇಜ ಪಡೆಯನ್ನು ಕಟ್ಟಿಹಾಕುವಲ್ಲಿ ಯಶಸ್ವಿಯಾಗಿತ್ತು. ಅಂದು ದಾಳಿಗಿಳಿದ 6 ಬೌಲರ್‌ಗಳಲ್ಲಿ ಒಬ್ಬರು ಮಾತ್ರ ವಿಕೆಟ್‌ಲೆಸ್‌ ಎನಿಸಿದ್ದರು. ಅದು ಉಮ್ರಾನ್‌ ಮಲಿಕ್‌!

ಆದರೀಗ ಉಮ್ರಾನ್‌ ಮಲಿಕ್‌ ಸಂಪೂರ್ಣ ಬದಲಾಗಿದ್ದಾರೆ. ಪಂದ್ಯದಿಂದ ಪಂದ್ಯಕ್ಕೆ ತನ್ನ ಎಸೆತಗಳ ವೇಗವನ್ನು ಹೆಚ್ಚಿಸಿಕೊಳ್ಳುತ್ತ ಎದುರಾಳಿಯ ಘಟಾನುಘಟಿಗಳಿಗೆ ಘಾತಕವಾಗಿ ಪರಿಣಮಿಸುತ್ತಿದ್ದಾರೆ. ಹೀಗಾಗಿ ಚೆನ್ನೈ ಮಲಿಕ್‌ ಎಸೆತಗಳಿಂದ ಪಾರಾಗುವುದು ಸುಲಭವಲ್ಲ!