Hyderabad: ಮಗನ ಸಾವು ತಿಳಿಯದೆ ಶವ ಜತೆ 4 ದಿನ ಕಳೆದ ಹೆತ್ತವರು!

ಹೈದರಾಬಾದ್‌: ಪುತ್ರ ಮೃತಪಟ್ಟಿರುವ ಕುರಿತು ತಿಳಿಯದೇ ಅಂಧ ಪೋಷಕರು ತಮ್ಮ ಮನೆಯಲ್ಲೇ ಶವದೊಂದಿಗೆ 4 ದಿನ ಕಳೆದ ಘಟನೆ ಹೈದರಾಬಾದ್‌ನಲ್ಲಿ ನಡೆದಿದೆ.

ಮನೆಯಿಂದ ದುರ್ವಾಸನೆ ಬರುತ್ತಿದ್ದ ಹಿನ್ನೆಲೆಯಲ್ಲಿ ನೆರೆಹೊರೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ಆಗಮಿಸಿದ ಅವರು ಮೃತದೇಹದ ಪಕ್ಕ ಅರೆಪ್ರಜ್ಞಾವಸ್ಥೆಯಲ್ಲಿದ್ದ ದಂಪತಿಗಳು ಕಂಡುಬಂದಿದ್ದಾರೆ.  ತಮ್ಮ ಮಗ ಮೃತಪಟ್ಟಿರುವುದು ತಿಳಿಯದ ದಂಪತಿ ಹಸಿವು ಮತ್ತು ಬಾಯಾರಿಕೆಗಳಿಂದ ನಿತ್ರಾಣರಾಗಿದ್ದ ಕಾರಣ ಅವರ ಧ್ವನಿ ನೆರೆಹೊರೆಯವರಿಗೆ ಕೇಳಿಸಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.