Advertisement
ಕೊಳಚೆ ನೀರು ಶೇಖರಣೆತೊಕ್ಕೊಟ್ಟು ಜಂಕ್ಷನ್‌ನಲ್ಲಿ ತೆಗೆದಿರುವ ತೋಡಿನಲ್ಲಿ ಸ್ಥಳೀಯ ಕಟ್ಟಡಗಳಿಂದ ಕೊಳಚೆ ನೀರು ಹರಿದು ಜಂಕ್ಷನ್‌ನಲ್ಲೇ ಶೇಖರಣೆಯಾಗುತ್ತಿದ್ದು, ಕಳೆದ ಹಲವು ತಿಂಗಳಿನಿಂದ ಸಮಸ್ಯೆ ಇದ್ದರೂ ನಗರಸಭೆಯ ಆರೋಗ್ಯ ಇಲಾಖೆ ಯಾವುದೇ ಕ್ರಮಕೈಗೊಂಡಿಲ್ಲ.
ತೊಕ್ಕೊಟ್ಟು ಜಂಕ್ಷನ್‌ನಿಂದ ಬಸ್‌ ನಿಲ್ದಾಣ ಮತ್ತು ಹೊಟೇಲ್‌ ಕಡೆ ಸಂಚರಿಸುವ ನಿತ್ಯಾಧರ್‌ ಪೇಪರ್‌ ಸ್ಟಾಲ್‌ ಎದುರುಗಡೆ ಚರಂಡಿ ನಿರ್ಮಾಣ ಕಾಮಗಾರಿ ನಡೆಸಿ ಮಣ್ಣು ರಾಶಿ ಹಾಕಿ ತಿಂಗಳು ಕಳೆದರೂ ಅದರ ತೆರವು ಕಾರ್ಯ ನಡೆದಿಲ್ಲ. ಇಕ್ಕಾಟದ ಈ ಪ್ರದೇಶದಲ್ಲಿ ಸಂಚರಿಸುವ ಪಾದಚಾರಿಗಳಿಗೆ ತೊಂದರೆಯಾಗುತ್ತಿದೆ.
Related Articles
ತಲಪಾಡಿ, ಕೇರಳ ಕಡೆಯಿಂದ ಆಗಮಿಸುವ ಬಸ್‌ಗಳು ತೊಕ್ಕೊಟ್ಟು ಬಸ್‌ ನಿಲ್ದಾಣದಲ್ಲಿ ಪ್ರಯಾಣಿಕರನ್ನು ಇಳಿಸಿ ಫ್ಲೈಓವರ್‌ ಅಡಿ ಭಾಗದ ತಿರುವು ಬಳಿ ಮಂಗಳೂರು ಕಡೆ ಸಂಚರಿಸುವ ಬಸ್‌ ಗಳು ಪ್ರಯಾಣಿಕರನ್ನು ಹತ್ತಿಸಲು ನಿಲ್ಲಿಸುವುದರಿಂದ ವಾಹನ ದಟ್ಟಣೆ ಸಂದರ್ಭದಲ್ಲಿ ಸಂಚಾರ ಅಸ್ತವ್ಯಸ್ತವಾಗುತ್ತಿದ್ದು, ಕೊಣಾಜೆ ಕಡೆಯಿಂದ ಮಂಗಳೂರು ಕಡೆ ಸಂಚರಿಸುವ ಬಸ್‌ಗಳೂ ಇಲ್ಲಿ ಬಸ್‌ಗಳನ್ನು ನಿಲ್ಲಿಸುತ್ತಿದ್ದು, ಸಂಚಾರ ಪೊಲೀಸರು ಯಾವುದೇ ಕ್ರಮಕೈಗೊಳ್ಳುತ್ತಿಲ್ಲ ಎಂದು ಸ್ಥಳೀಯರು ಆರೋಪಿಸಿದ್ದಾರೆ.
Advertisement
ಜಂಕ್ಷನ್‌ ಕೊಣಾಜೆ – ದೇರಳಕಟ್ಟೆ ಕಡೆಯಿಂದ ಬರುವ ವಾಹನಗಳು ಮತ್ತು ಬಸ್‌ ನಿಲ್ದಾಣದಿಂದ ತೊಕ್ಕೊಟ್ಟು ಜಂಕ್ಷನ್‌ ಮಾರ್ಗವಾಗಿ ತಲಪಾಡಿ ಕಡೆ ಸಂಚರಿಸುವ ತಿರುವು ಬಳಿ ಇರುವ ಮಣ್ಣಿನ ರಾಶಿ ಪಾದಚಾರಿಗಳಿಗೆ ಮತ್ತು ವಾಹನ ಸಂಚಾರಕ್ಕೂ ತಡೆಯಾಗಿದ್ದು, ಪಾದಚಾರಿಗಳು ರಸ್ತೆಯಲ್ಲೇ ಸಂಚರಿಸುವ ಸ್ಥಿತಿ ನಿರ್ಮಾಣವಾಗಿದೆ. *ವಸಂತ ಎನ್‌.ಕೊಣಾಜೆ