ಇವರೇ ನೋಡಿ, “ಫೇಸ್‌ ಆಫ್ ವಾರ್‌’!

ಉಕ್ರೇನ್‌ ಮೇಲೆ ದಾಳಿ ನಡೆದ ಮೊದಲ ದಿನ (ಫೆ. 24), ರಷ್ಯಾದ ಕ್ಷಿಪಣಿ ದಾಳಿಯಿಂದ ಗಾಯಗೊಂಡಿದ್ದ ಮಹಿಳೆಯೊಬ್ಬರ ಚಿತ್ರ ಹಲವಾರು ಮಾಧ್ಯಮಗಳಲ್ಲಿ ಹರಿದಾಡಿತ್ತಲ್ಲದೆ, ಜಗತ್ತಿನ ಹಲವಾರು ಪ್ರತಿಷ್ಠಿತ ಪತ್ರಿಕೆಗಳ ಮುಖಪುಟದಲ್ಲೂ ರಾರಾಜಿಸಿತ್ತು.

ಆಗ, ಆ ಮಹಿಳೆ ಯಾರು ಎಂಬುದು ತಿಳಿದುಬಂದಿರಲಿಲ್ಲ. ಈಗ ಅವರ ಬಗ್ಗೆ ವಿವರಗಳು ಪತ್ತೆಯಾಗಿವೆ.

ಅವರ ಹೆಸರು ಒಲೆನಾ ಕುರಿಲೊ (52). ಉಕ್ರೇನ್‌ನ ಖಾವ್ರಿವ್‌ ಪ್ರಾಂತ್ಯದ ಚುಗ್ಯುಯೆವ್‌ ಎಂಬ ಪ್ರಾಂತ್ಯದ ಶಾಲೆಯೊಂದರಲ್ಲಿ ಶಿಕ್ಷಕಿಯಾಗಿ ಅವರು ಸೇವೆ ಸಲ್ಲಿಸುತ್ತಿದ್ದಾರೆ.

ರಷ್ಯಾದ ಪಡೆಗಳು ದಾಳಿ ನಡೆಸಿದಾಗ ಅವರು ಮನೆಯಲ್ಲಿದ್ದರು. ಆ ಸಂದರ್ಭದಲ್ಲೇ ಎದುರಾಳಿ ಪಡೆಗಳ ಕ್ಷಿಪಣಿಯೊಂದು ಅವರ ಮನೆಯ ಮೇಲೆ ಬಂದು ಬಿದ್ದು ಅವರು ಗಾಯಗೊಂಡಿದ್ದರು.