ಫೇಸ್‌ 1 ಯುಜಿಸಿ ನೆಟ್‌ ಪರೀಕ್ಷೆ : ಪ್ರವೇಶ ಪತ್ರ ಲಭ್ಯ

ಹೊಸದಿಲ್ಲಿ: ಈ ತಿಂಗಳ 21ರಿಂದ 24ರ ವರೆಗೆ ನಡೆಯಲಿರುವ 2022 ಡಿಸೆಂಬರ್‌ನ ಫೇಸ್‌ 1 ಯುಜಿಸಿ ನೆಟ್‌ ಪರೀಕ್ಷೆಯ ಪ್ರವೇಶ ಪತ್ರಗಳನ್ನು ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿಯು ತನ್ನ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಿದ್ದು, ಅಭ್ಯರ್ಥಿಗಳು ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.

ಅಭ್ಯರ್ಥಿಗಳು ತಮ್ಮ ಜನ್ಮದಿನಾಂಕ ಮತ್ತು ಅರ್ಜಿ ಸಂಖ್ಯೆಯನ್ನು ನಮೂದಿಸಿ //ugcnet.nta.nic.in ನಿಂದ ಪ್ರವೇಶ ಪತ್ರಗಳನ್ನು ಪಡೆದುಕೊಳ್ಳಬಹುದು. ಪರೀಕ್ಷೆಯು ಒಟ್ಟು 57 ವಿಷಯಗಳಲ್ಲಿ ದೇಶಾ ದ್ಯಂತ ನಡೆಯಲಿದೆ.

ನೀಟ್‌ ಪಿಜಿ: ತಿದ್ದುಪಡಿಗೆ ಅವಕಾಶ
ಹೊಸದಿಲ್ಲಿ: ಈ ಸಾಲಿನ ನೀಟ್‌ ಪಿಜಿ ಅರ್ಜಿಗಳ ತಿದ್ದುಪಡಿಗಾಗಿ ರಾಷ್ಟ್ರೀಯ ವೈದ್ಯಕೀಯ ವಿಜ್ಞಾನ ಪರೀûಾ ಮಂಡಳಿಯು ಅವಕಾಶ ನೀಡಿದೆ. ಈಗಾಗಲೇ ಅರ್ಜಿ ಸಲ್ಲಿಸಿ ಭಾವಚಿತ್ರ ಅಪ್‌ಲೋಡ್‌ ಮಾಡದವರು, ಬೆರಳಚ್ಚು , ಸಹಿ ಇತ್ಯಾದಿಗಳನ್ನು ನೀಡಲು ಬಾಕಿ ಇರುವವರು ಅಧಿಕೃತ ವೆಬ್‌ಸೈಟ್‌ //natboard.edu.in ನಲ್ಲಿ ತಿದ್ದುಪಡಿ ಮಾಡಬಹುದು. ಫೆ. 18ರಿಂದ 20ರ ಒಳಗೆ ತಿದ್ದುಪಡಿ ಮಾಡಿಕೊಳ್ಳಲು ಅಭ್ಯರ್ಥಿಗಳಿಗೆ ಅವಕಾಶ ನೀಡಲಾಗಿದೆ ಎಂದು ಪರೀಕ್ಷಾ ಮಂಡಳಿಯು ತಿಳಿಸಿದೆ.