Udupi ಅಪಹರಣ ಮಾಡುವುದಾಗಿ ಧಮ್ಕಿ, ಜೀವಬೆದರಿಕೆ

ಉಡುಪಿ: ವ್ಯಕ್ತಿಯೊಬ್ಬರನ್ನು ಅಪಹರಿಸುವುದಾಗಿ ಧಮ್ಕಿ ನೀಡಿದ್ದಲ್ಲದೆ ಜೀವಬೆದರಿಕೆ ಹಾಕಿದ ಬಗ್ಗೆ ದಂಪತಿ ಹಾಗೂ ಇನ್ನಿಬ್ಬರ ಮೇಲೆ ಪ್ರಕರಣ ದಾಖಲಾಗಿದೆ.

ಉಡುಪಿಯಲ್ಲಿ ವಾಸವಿರುವ ಸುದೇಶ್‌ ಅವರ ಮನೆಗೆ ನ.12ರಂದು ಸಂಜೆ ಸುಮಾರು 7 ಗಂಟೆ ವೇಳೆಗೆ ಆರೋಪಿಗಳಾದ ಸುಧೀರ್‌ ಸೋನು, ಆತನ ಪತ್ನಿ ಸ್ಮಿತಾ ಸುಧೀರ್‌ ಹಾಗೂ ಇನ್ನಿಬ್ಬರು ಅಪರಿಚಿತ ಗಂಡಸರು ಮನೆಯ ಅಂಗಳಕ್ಕೆ ಅಕ್ರಮ ಪ್ರವೇಶ ಮಾಡಿ ಸುದೇಶ್‌ ಅವರಿಗೆ ಅವಾಚ್ಯ ಶಬ್ಧಗಳಿಂದ ಬೈದು, ಜೀವ ಬೆದರಿಕೆ ಹಾಗೂ ಅಪಹರಣ ಮಾಡುವುದಾಗಿ ಧಮ್ಕಿ ಹಾಕಿದ್ದಾರೆ. ಉಡುಪಿ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.