Udupi ಟ್ಯಾಂಕರ್‌ ಪಲ್ಟಿ: 26 ಲ.ರೂ. ಅಡುಗೆ ಎಣ್ಣೆ ನಷ್ಟ

ಉಡುಪಿ: ಸಂತೆಕಟ್ಟೆಯಲ್ಲಿ ಶನಿವಾರ ಪಲ್ಟಿಯಾದ ಟ್ಯಾಂಕರ್‌ನಲ್ಲಿದ್ದ ಸುಮಾರು 26 ಲ.ರೂ. ಮೌಲ್ಯದ ಅಡುಗೆ ಎಣ್ಣೆ ರಸ್ತೆಪಾಲಾಗಿದೆ ಎಂದು ಟ್ಯಾಂಕರ್‌ ಮಾಲಕ ಮಿಥುನ್‌ ಅವರು ಸಂಚಾರ ಠಾಣೆಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ.

ಚಾಲಕ ಮಹಮ್ಮದ್‌ ಶಾಹಿಜ್‌ ಅವರು ಅಂಬಾಗಿಲು ಕಡೆಯಿಂದ ಬ್ರಹ್ಮಾವರದ ಕಡೆಗೆ ಸಂತೆಕಟ್ಟೆ ಕಾಮಗಾರಿ ನಡೆಯುತ್ತಿದ್ದ ಸರ್ವಿಸ್‌ ರಸ್ತೆಯಲ್ಲಿ ಅತೀವೇಗದಿಂದ ಚಲಾಯಿಸಿದ ಕಾರಣ ಅವಘಡ ಸಂಭವಿಸಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.