Udupi: ನಿದ್ರೆ ಮಾತ್ರೆ ಸೇವಿಸಿ ಅಸ್ವಸ್ಥಗೊಂಡು ವ್ಯಕ್ತಿ ಸಾವು

ಉಡುಪಿ: ನಿದ್ರೆ ಮಾತ್ರೆ ಸೇವಿಸಿ, ಅಸ್ವಸ್ಥಗೊಂಡ ವ್ಯಕ್ತಿ ಚಿಕಿತ್ಸೆ ಫ‌ಲಿಸದೆ ಮೃತಪಟ್ಟದ್ದಾರೆ.

ಬಡಗುಬೆಟ್ಟು ನಿವಾಸಿ ಜೈಕಿಶನ್‌ (52)ಎಂಬವವರು ಸೇಲ್ಸ್ ಮನ್‌ ಆಗಿ ಕೆಲಸ ಮಾಡಿಕೊಂಡಿದ್ದು, ಚಿಕ್ಕ ವಯಸ್ಸಿನಿಂದ ಮಾನಸಿಕ ಖಾಯಿಲೆಯಿಂದ ಬಳಲುತ್ತಿದ್ದರು. ಇದಕ್ಕೆ ಚಿಕಿತ್ಸೆಯನ್ನು ಪಡೆಯುತ್ತಿದ್ದರು.

ನ.13ರಂದು ಸಂಜೆ 4ಕ್ಕೆ ಸಂಬಂಧಿ ಮನೆಯ ಕೊಠಡಿಯಲ್ಲಿ ಮಲಗಿಕೊಂಡಿದ್ದ ಜೈಕಿಶನ್‌ ಅವರನ್ನು ಸಂಬಂಧಿ ಜಯಮಾಲಾರವರು ಎಬ್ಬಿಸಲು ಹೋದಾಗ ಏಳದೇ ಇದ್ದು ನಿದ್ರೆ ಮಾತ್ರೆ ಮತ್ತು ಮಾನಸಿಕ ಖಾಯಿಲೆಗೆ ಸಂಬಂದಿಸಿದ ಮಾತ್ರೆ ಹಾಗೂ ಮನೆಯಲ್ಲಿದ್ದ ಇತರ ಮಾತ್ರೆಗಳ ಕವರ್‌ಗಳು ಬಿದ್ದಿದ್ದು, ಜೈಕಿಶನ್‌ ಮಾತ್ರೆಗಳನ್ನು ತಿಂದು ಅವರು ಅಸ್ವಸ್ಥಗೊಂಡಿರುವುದು ಗಮನಕ್ಕೆ ಬಂದಿದೆ. ತತ್‌ಕ್ಷಣವೇ ಅವರನ್ನು ಮಣಿಪಾಲ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸುವ ಪ್ರಯತ್ನ ನಡೆಸಲಾಯಿತ್ತಾದರೂ ಪರೀಕ್ಷಿಸಿದ ವೈದ್ಯರು ಮೃತಪಟ್ಟಿದ್ದಾಗಿ ತಿಳಿಸಿದ್ದಾರೆ.

ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.