ಉಡುಪಿ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಓರ್ವ ಮಹಿಳೆ ಸಾವು, 47 ಮಂದಿಗೆ ಪಾಸಿಟಿವ್

ಉಡುಪಿ : ಜಿಲ್ಲೆಯಲ್ಲಿ ಗುರುವಾರ ಕೋವಿಡ್ ಸೋಂಕಿಗೆ ಓರ್ವ ಸಾವನ್ನಪ್ಪಿದ್ದು 47 ಹೊಸ ಕೋವಿಡ್ ಪ್ರಕರಣಗಳು ದಾಖಲಾಗಿವೆ.

ಉಡುಪಿಯ 54 ವರ್ಷದ ಪ್ರಾಯದ ಮಹಿಳೆಯೊಬ್ಬರು ಮೃತಪಟ್ಟವರು. ಇವರಿಗೆ ಇತರ ಕಾಯಿಲೆಗಳೂ ಇದ್ದವು. ಜಿಲ್ಲೆಯಲ್ಲಿ ಇದುವರೆಗೆ ಮೃತಪಟ್ಟವರ ಸಂಖ್ಯೆ 185ಕ್ಕೇರಿದೆ.

ಸೋಂಕಿತರಲ್ಲಿ ರೋಗ ಲಕ್ಷಣವಿರುವ 13 ಪುರುಷರು, 6 ಮಹಿಳೆಯರು, ರೋಗ ಲಕ್ಷಣಗಳಿರದ 16 ಪುರುಷರು, 12 ಮಹಿಳೆಯರಿದ್ದಾರೆ. ಇವರಲ್ಲಿ ಉಡುಪಿ ತಾಲೂಕಿನ 19, ಕುಂದಾಪುರ ತಾಲೂಕಿನ 16, ಕಾರ್ಕಳ ಮತ್ತು ಹೊರ ಜಿಲ್ಲೆಗಳ ತಲಾ 6 ಮಂಂದಿ ಇದ್ದಾರೆ. ಆರು ಜನರನ್ನು ಆಸ್ಪತ್ರೆಗೂ, ಉಳಿದವರನ್ನು ಹೋಮ್‌ ಐಸೊಲೇಶನ್‌ಗೂ ದಾಖಲಿಸಲಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 431 ಆಗಿದೆ.

ಇದನ್ನೂ ಓದಿ:ವಿಮಾನ ನಿಲ್ದಾಣ ಖಾಸಗೀಕರಣ ಖಂಡಿಸಿ ನ.9ರಂದು ಪ್ರತಿಭಟನೆ: ರಮಾನಾಥ ರೈ

ಬುಧವಾರ 2,480 ಜನರ ಗಂಟಲುದ್ರವವನ್ನು ಸಂಗ್ರಹಿಸಲಾಗಿತ್ತು. 66 ಜನರು ಬಿಡುಗಡೆಗೊಂಡಿದ್ದರು.