ಉಡುಪಿ ಜಿಲ್ಲೆಯಲ್ಲಿ 421 ಮಂದಿಗೆ ಕೋವಿಡ್ ಸೋಂಕು ದೃಢ !

ಉಡುಪಿ: ಉಡುಪಿ ಜಿಲ್ಲೆಯಲ್ಲಿ ಮಂಗಳವಾರ 421 ಕೋವಿಡ್ ಪಾಸಿಟಿವ್‌ ಪ್ರಕರಣ ದಾಖಲಾಗಿದೆ. 1,200 ವರದಿಗಳು ನೆಗೆಟಿವ್‌ ಬಂದಿದೆ. ಉಡುಪಿ ತಾಲೂಕಿನ 203, ಕುಂದಾಪುರದ 158, ಕಾರ್ಕಳದ 50, ಇತರ ಜಿಲ್ಲೆಯ 10 ಮಂದಿಗೆ ಸೋಂಕು ದೃಢಪಟ್ಟಿದೆ. ಸೋಂಕಿತರಲ್ಲಿ ರೋಗಲಕ್ಷಣ ಇರುವ 101 ಪುರುಷರು, 41 ಮಹಿಳೆಯರು ಸೋಂಕುಲಕ್ಷಣ ಇಲ್ಲದ 123 ಪುರುಷರು, 156 ಮಂದಿ ಮಹಿಳೆಯರು ಸೇರಿದ್ದಾರೆ.

ಕೋವಿಡ್‌ ಕೇರ್‌ ಸೆಂಟರ್‌ ಹಾಗೂ ಇತರ ಆಸ್ಪತ್ರೆಗಳಲ್ಲಿ 126 ಮಂದಿ ಹಾಗೂ 295 ಮಂದಿ ಹೋಂ ಐಸೋಲೇಷನ್‌ಗೆ ದಾಖಲಾಗಿದ್ದಾರೆ.

1,837 ಮಾದರಿ ಸಂಗ್ರಹ
ಸೋಂಕು ಲಕ್ಷಣವುಳ್ಳ 1098, ಸೋಂಕಿತರ ಸಂಪರ್ಕವುಳ್ಳ 327, ಸುಸ್ತು ಸಹಿತ ಇತರ ಕಾರಣಗಳಿರುವ 58, ಹಾಟ್‌ಸ್ಪಾಟ್‌ ಸಂಪರ್ಕದ 354 ಸಹಿತ ಒಟ್ಟು 1,837 ಮಂದಿ ಮಾದರಿ ಸಂಗ್ರಹಿಸಲಾಗಿದೆ. ಆಸ್ಪತ್ರೆಯಿಂದ 177 ಹಾಗೂ ಹೋಂ ಐಸೋಲೇಷನ್‌ನಲ್ಲಿದ್ದ 144 ಮಂದಿ ಸಹಿತ ಒಟ್ಟು 321 ಮಂದಿ ಬಿಡುಗಡೆಯಾಗಿದ್ದಾರೆ.