ಯುಎಇ ವೀಸಾ ಆನ್‌ ಅರೈವಲ್‌ ಸ್ಥಗಿತ

ದುಬೈ: ಅರಬ್‌ ಸಂಯುಕ್ತ ಸಂಸ್ಥಾನಕ್ಕೆ (ಯುಎಇ) ಭಾರತದಿಂದ ಬರುವವರಿಗೆ ಸದ್ಯದ ಮಟ್ಟಿಗೆ “ವೀಸಾ ಆನ್‌ ಅರೈ ವಲ್‌’ ವ್ಯವಸ್ಥೆ ಸ್ಥಗಿತ ಗೊಳಿಸಿರುವುದಾಗಿ ಯುಎಇ ತಿಳಿಸಿದೆ.

ಭಾರತದಲ್ಲಿ ಕಳೆದ 14 ದಿನಗಳಿಂದ ಇರುವವರು ಅಥವಾ ಅಲ್ಲಿಂದ ಬರುವವರಿಗೆ ಈ ವೀಸಾ ಬಳಸಲು ಅವಕಾಶ ಕೊಡಲಾಗುವುದಿಲ್ಲ. ವೆಬ್‌ ಸೈಟ್‌ ಅಪ್‌ ಡೇಟ್‌ ಮಾಡಲಾಗುತ್ತಿದೆ ಎಂದು ಇತಿಹಾದ್‌ ಏರ್‌ ವೇಸ್‌ ತಿಳಿಸಿದೆ.

ಭಾರತದ ಜತೆಗೆ ಶ್ರೀಲಂಕಾ, ಬಾಂಗ್ಲಾದೇಶ, ಪಾಕಿಸ್ತಾನ, ನೇಪಾಳ, ಅಫ್ಘಾನಿಸ್ತಾನ, ನೈಜೀರಿಯಾ, ದಕ್ಷಿಣ ಆಫ್ರಿಕಾ, ಉಗಾಂಡಾ ಮತ್ತು ನಮೀಬಿಯಾದ ಜನರಿಗೂ ಈ ನಿಯಮ ಅನ್ವಯವಾಗಲಿದೆ.

ಇದನ್ನೂ ಓದಿ:ಕೋವಿಡ್ : ರಾಜ್ಯದಲ್ಲಿಂದು 1259 ಪಾಸಿಟಿವ್ ಪ್ರಕರಣ|1701 ಸೋಂಕಿತರು ಗುಣಮುಖ

ಭಾರತೀಯರು ಅಮೆರಿಕ ವೀಸಾ, ಗ್ರೀನ್‌ ಕಾರ್ಡ್‌, ಯುಕೆ ರೆಸಿಡೆಂಟ್‌ ಪರ್ಮಿಟ್‌ ಅಥವಾ ಯುರೋಪ್‌ ರೆಸಿಡೆಂಟ್‌ ಪರ್ಮಿಟ್‌ ಹೊಂದಿದ್ದರೆ ಅಂತವರಿಗೆ ಎಂಟ್ರಿ ವೀಸಾ ನೀಡಲಾಗುವುದು.