ಕೋವಿಡ್ ಪ್ರಕರಣ ಹಿನ್ನೆಲೆ : ಟಿ20 ವಿಶ್ವಕಪ್‌ ಗೆ ಯುಎಇ ಪರ್ಯಾಯ ಆಯ್ಕೆ: ಐಸಿಸಿ

ಹೊಸದಿಲ್ಲಿ : ಈ ವರ್ಷಾಂತ್ಯ ಭಾರತದಲ್ಲಿ ನಡೆಯಬೇಕಿರುವ ಐಸಿಸಿ ಟಿ20 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಮೇಲೆ ಕೊರೊನಾ ಕರಿಛಾಯೆ ಬೀಳುವ ಸಾಧ್ಯತೆ ಇದೆ. ಸದ್ಯ ಭಾರತದಲ್ಲಿ ದಿನಕ್ಕೆ 3 ಲಕ್ಷಕ್ಕೂ ಅಧಿಕ ಕೊರೊನಾ ಪ್ರಕರಣಗಳು ಕಂಡುಬರುತ್ತಿದ್ದು, ಇದರಿಂದ ಎಚ್ಚೆತ್ತಿರುವ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ (ಐಸಿಸಿ), ಯುಎಇಯನ್ನು ಪರ್ಯಾಯ ಸ್ಥಳವನ್ನಾಗಿ ಆಯ್ಕೆ ಮಾಡಿದೆ.

ಕಳೆದ ವರ್ಷ ಕೊರೊನಾ ತೀವ್ರವಾಗಿದ್ದಾಗ ಸ್ವತಃ ಬಿಸಿಸಿಐ, ಯುಎಇಯಲ್ಲೇ ಐಪಿಎಲ್‌ ನಡೆಸಿತ್ತು. ಐಸಿಸಿ ಕೂಡ ಇಂಥದೇ ಚಿಂತನೆ ಹೊಂದಿದೆ.

ಭಾರತದಲ್ಲಿ ಪ್ರೇಕ್ಷಕರಿಲ್ಲದೆ ಟಿ20 ವಿಶ್ವಕಪ್‌ ನಡೆಸುವುದು ಬಿಸಿಸಿಐ ಯೋಜನೆ. ಆದರೆ ಸದ್ಯದ ಸ್ಥಿತಿಯಲ್ಲಿ ಇದೂ ಕಠಿನವೆನಿಸಿದೆ. ಈ ಹಿನ್ನೆಲೆಯಲ್ಲಿ ಯುಎಇಯನ್ನು ಬದಲಿ ತಾಣವನ್ನಾಗಿ ಆರಿಸಲಾಗಿದೆ.

ಇದನ್ನೂ ಓದಿ :ಭವಿಷ್ಯ ನಿಧಿ, ಗ್ರಾಚ್ಯುಟಿ ಬಡ್ಡಿ ದರ ಯಥಾಸ್ಥಿತಿ ಮುಂದುವರಿಸಲು ಕೇಂದ್ರ ನಿರ್ಧಾರ